2 ka bata nalumos sa quarry site

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’2 ka bata nalumos sa quarry site’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]

[av_textblock size=” font_color=’custom’ color=’#0a0a0a’]
Wednesday, February 22, 2017
[/av_textblock]

[av_textblock size=” font_color=’custom’ color=’#0a0a0a’]

Syudad sang ILOILO – Masubo ang nadangatan sang duha ka bata matapos nga nalumos sa buho sang quarry site sang Black Mountain Mineral Resources and Development Corp. nga nahamtang sa Sitio Caban-caban, Barangay Cag-an, Anilao, Iloilo alas-6:30 sang gab-i sang Lunes.

Dead-on-arrival sa Don Jose S. Monfort Medical Center Extension Hospital sa Barotac Nuevo ang mga biktima nga sanday Khyan Belardo Emblar, 10, kag Aljie Gemberva y Perocho, 9, lunsay mga residente sang Brgy. Cag-an, Anilao.

Sa interbyu sang Panay Balita kay PO1 Marvin Pogaja, imbestigador sang Anilao PNP, naglagaw ang duha ka bata sakay sa ila mga bisekleta tubtob nga nakalab-ot sa minahan pero nakit-an sila sang gwardiya nga si Jennifer Amable rason nga ginsita sila nga maghalin sa kahangawa nga makagat sang mga ido.

Nagbiya man ang duha pero lipod sa ihibalo sang gwardiya, nagkadto ang mga ini sa pihak nga alagyan rason nga nakasulod sa quarry site.

Ulihi na sang nakit-an sang gwardiya ang duha ka bisekleta nga nakaparada sa higad sang quarry site. Diri nga nagdesisyon ang gwardiya nga i-uli ang mga bisekleta sa mga ginikanan sang duha ka bata nga yara man lang naga-istar sa palibot sang minahan.

Pero natingala ang amay ni Aljie nga si Arjay Gemberva nga wala makapauli ang iya bata rason nga ginpangita niya tubtob nakit-an ang duha ka pares sang tsinelas sa buho sang quarry site nga nagadalom sang 14 ka tapak kag puno sang tubig.

Dugang pa ni Pogaja, nagduda ang amay nga didto ang duha ka bata rason nga nagkuha ini sang backhoe kag ginbuhangan ang buho. Kag bisan wala pa maghubas ang tubig, ginsalom sang amay kag sang iban nga mga residente ang buho kag nakit-an gid man ang lawas sang duha ka bata.

“Nakita ni sila nga duha sang gwardiya sang quarry nga nagalabay-labay sa atubang sang opisina dayon ginsaway sila nga indi maglabay kay damo ido, basi makagat sila. Ang ginhimu sang duha ka bata, naglakat sila, ginlita nila ang gwardiya. Didto sila sa pihak nga alagyan nag-agi, naglusot sila sa buho nga may tubig pero paglusot sang duha ka bata, wala nakit-an sang gwardiya. Ulihi na lang nakit-an ang duha ka bike sang bata nga naga-park na sa kilid sang buho. Pagkita sang gwardiya sang duha ka bike, wala gid sia nagdahum nga ang duha ka bata ato to sa buho na,” saysay ni Pogaja.

Sugpon pa sini, “Iya ginhimu, ginpang-uli ya sa mga balay sang ginikanan nila kay lapit man lang. Pagbaton sang amay ni Aljie Gemberva nga si Arjay sang bike, ginpangita ya dayon ang bata ya. Sang ulihi nakadulog sa quarry, nagsaka sia kag nakita ya ang apat ka tsinelas nga nagalutaw sa tubig. Nakulbaan na sia. Gin-obra ya ni gindala ya ang backhoe kag ginbuhangan ang buho para mabuhinan ang tubig. Gin-umpisan ya dayon salom kag sang ulihi nagkadto man ang mga folks asta nga nakita nila ang duha.”

Sa teorya pa sang Anilao PNP, posible nga aksidente lamang nga nahulog ang duha ka bata sa buho matapos nga naghampang.

“Ang amon paglantaw, aksidente lang ni nga nahulog kay daw medyo kantilado. Dayon naghambal ang tatay kag gwardiya nga wala na sila nagalagaw didto kon hapon. Amo lang to nga tion nga nakalusot sila. Ang suspetso man sang ginikanan didto sila naghampang then nadagdag sila nga duha,” eksplikar pa ni Pogaja./PB

 

[/av_textblock]

[/av_one_full]

LEAVE A REPLY

Please enter your comment!
Please enter your name here