[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’2 ka lalaki nakuhaan shabu’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Monday, May 15, 2017
[/av_textblock]
[av_textblock size=” font_color=” color=”]
Syudad sang BACOLOD – Nakuhaan sang ginapasuni shabu ang duha ka lalaki sa separado nga operasyon sang kapulisan sa Negros Occidental.
Sa Syudad sang San Carlos, isa ka Muslim ang gindakop sang kapulisan nga nagahampang sang tumbo sa Ylagan Extension sakop sang Brgy. 6 mga alas-dos y medya ang takna sang Mayo 11 sang hapon, samtang nakapalagyo naman ang iya mga upod.
Ginkilala ni Superintendent Arturo Fullero, hepe sang San Carlos City PNP, ang suspek nga si Jamal Lagnason Dirindigun, 39, kag naga-istar sa Purok Hope, Brgy. 5 sa amo man nga syudad.
Sang ginkapkapan si Dirindigun sang mga pulis, nakuha pa gid sa iya ang isa ka sachet sang gina-alegar shabu.
Nahunong na sia subong sa karsel sang San Carlos City PNP.
Sa pihak nga bahin, nakuhaan man sang ginapasuni shabu si Geffie Medrano Gamusaran, 31, may asawa kag naga-istar sa Purok Mabini, Brgy. Calubang, banwa sang Ilog mga alas-11:40 sa gab-i sang Mayo 11.
Isa ka magamay nga ginputos sa plastik sang ginapasuni shabu ang nakuha sa iya paghinakop.
Sunu sa report nga natulogan sa dalan si Gamusaran kag didto na sia namaramasan sa sulod sang prisohan./PB
[/av_textblock]
[/av_one_full]
