2 ka tomboy nag-away bangod sa babae

Ni Ime Sornito

Tuesday, March 21, 2017

Syudad sang ILOILO – Gina-alegar nag-away ang duha ka tomboy matapos nga nag-agaway sa isa ka babae sa Barangay Nabitasan, distrito sang La Paz sadtong Domingo.

Sandig sa imbestigasyon sang La Paz PNP, nagsumalangay sanday alyas Inday, 18, sang Brgy. San Isidro, La Paz kag alyas Nene, 16, sa dalan sa Brgy. Nabitasan tubtob nga naghangkatanay sila nga mag-away.

Ang resulta, nakaagom sang samad sa wala nga butkon si Inday rason nga gindala sa pinakamalapit nga ospital samtang gin-turnover naman sa Balay Dalayunan si Nene.

Natukiban man sang kapulisan nga may daan na nga hiligut-anon ang duha kon sa diin isa lang ka babae ang nakursonadahan nila./PB