[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’2 PATAY SA PAGLABU KAG PAGTIRO’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=”]
Tuesday, March 14, 2017
[/av_textblock]
[av_textblock size=” font_color=” color=”]
Syudad sang ILOILO – Ginbawian sang kabuhi ang duha ka lalaki nga gintiro kag ginlabu alas-otso sang gab-i sang Domingo sa Barangay Guia, Maayon, Capiz.
Dead-on-arrival sa Bailan District Hospital sanday barangay kagawad Ruperto Domo-os Jr. y Langurayan, 42, kasado, sang Brgy. Carataya, Maayon, Capiz, nga may mga pilas sa wala nga bahin sang lawas kag tuo nga abaga tuga sang paglabu samtang pilas naman sa likod sang liog tuga sang pagtiro ang naagom ni Angelo Dunton Jr. y Cantor, 19, sang Brgy. Guia, Maayon.
Sandig sa imbestigasyon sang Maayon Police Station, nag-inom-inom sanday Angelo kag Ruperto sa piggery sang naulihi pero sang nahubog nagbaisay sila.
Gilayon man dayon nga nagpauli sa ila balay si Angelo pero ginsundan ni Ruperto kag gulpi lang sini nga gintiro ang nauna gamit ang wala nadeterminar nga sahi sang pusil.
Sang nakita naman sang amay ni Angelo nga si Angelo Dunton Sr. ang natabo sa iya bata, nagkuha ini sang binangon kag ginlabu si Ruperto.
Ginhingagaw pa dala sa ospital ang duha ka mga biktima pero lunsay ginbawian sang kabuhi.
Madasig man nga nagpalagyo ang amay nga Dunton matapos ang krimen kag gina-ayam pa subong sang kapulisan./PB
[/av_textblock]
[/av_one_full]
