[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’3 ka durogista dakop sa buy-bust ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Arestado ang tatlo ka ginapasuni mga durogista sa diin isa diri ang minor de edad sa buy-bust operation mga alas-12:30 kahapon sang kaagahon sa Purok Maghiliugyon, Barangay 35 diri.
Ginkilala ni Senior Inspector Leo Gestopa, hepe sang Police Station 1, ang mga suspek nga sanday Ketch Gerona Carmona, 32, may asawa, kag Jimmy Mata Bolonia, 38, may asawa; samtang wala naman ginhingadlan ang ngalan sang minor. Ang tatlo lunsay residente sang nasambit nga barangay.
Una nga gindakop si Carmona matapos ginhatag sa pulis nga poseur buyer ang isa ka gamay nga pinutos sa plastik sang ginapasuni shabu sa baylo sang P200 nga marked money.
Nakuhaan naman si Bolonia sang isa ka gamay nga plastic sachet sang gina-aleagr shabu kag pouch nga naga-unod anum pa gid ka elongated sachets sang ginapasuni shabu.
Sang gin-usisa dugang, narekober pa gid sa mga suspek ang isa ka gamay nga pinutos kag isa ka bulto sang ginasuspetsahan shabu kag drug paraphernalia.
Priso na karon sanday Bolonia kag Carmona samtang ang minor gin-turnover sa Social Development Center sa Bacolod City Police office./PB
[/av_textblock]
[/av_one_full]