[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’3 ka lalaki gintiro sang mag-utod ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Pilason ang tatlo ka mga lalaki matapos nga ginpangtiro sang mag-utod nga mga suspek sa Sitio Bangga Central, Brgy. Tabucan, Barotac Nuevo, Iloilo alas-12:10 sang kaagahon kahapon.
Ginabulong pa subong sa Don Jose S. Monfort Memorial Medical Center Extension Hospital sa Barotac Nuevo ang mga biktima nga lunsay residente sang Barangay Patag, Barotac Nuevo nga sanday:
* Bryan Bolivar y Libo-on, 29, soltero, nga may samad sa tuo nga dughan;
* Carlito Espilla y Paderes, 27, soltero, may samad sa wala nga tiil; kag
* Ariel Belgira y Pama, 23, may samad sa wala nga tiyan.
Ang ginatudlo naman nga mga suspek amo ang mag-utod nga Joel Casumpang Jr., 26, kasado, kag Remar John Casumpang, 28, soltero, kag lunsay residente sang Brgy. Agcuyawan Calsada, Barotac Nuevo.
Sandig sa imbestigasyon sang Barotac Nuevo Police Station, ginsiling sang testigo nga si alyas Carwin, 17, nga nagasakay sia sa motorsiklo papuli na kontani sa Brgy. Patag upod ang nagamotor man nga si Bolivar angkas si Espilla, nagamotor nga si Belgira, kag nagamaneho sang traysikol nga si Anjolino Batisla-ong upod si Ric Estilo.
Dugang pa ni Carwin nga pag-abot nila sa Sitio Bangga Central, gulpi lang nag-overtake ang motor nga ginamaneho ni Joel angkas si Remar John kag dayon nag-gabot ang naulihi sang taklos nga pusil kag gintaya sa iya rason nga nagdulog sia.
Ginlagas dayon sang mga suspek si Bolivar kag ila ginbalabagan ang dalan rason nga nagdulog ang naulihi.
Sunu kay Carwin nga nagpanaog si Remar John kag nagpalupok sang pa-idalom sang pusil nga nag-igu sa wala nga tiil ni Espilla.
Ginsundan ini sang pagbaisay sang magtimbang nga grupo tubtob nga nagpalupok liwat sang pusil si Remar John rason nga naigu si Bolivar.
Sandig naman sa alegasyon ni Batisla-ong, sang naubosan sang mga bala ang mag-utod gindumog nila ang mga biktima rason sang komosyon.
Makaligad ang pila ka minutos, na-untat ang komosyon kag gindala sa ospital sanday Bolivar kag Espilla pero natukiban pa gid sang ulihi nga nasamaran man tuga sang pagkatiro si Belgira.
Nagtuyo pa nga magpalagyo ang mga suspek sakay sa ila motor pero aksidente sila nga natumba rason nga nadakpan sila sang nagresponder nga mga pulis sang Barotac Nuevo PNP.
Narekober man sang kapulisan sa ginluntaran sang krimen ang isa ka fired cartridge case sang .45 caliber pistol, isa ka fired bullet sang wala nadeterminar nga sahi sang pusil, .38 caliber revolver, tatlo ka fired cartridges, kag cellphone.
Samtang daan nga hiligut-anon naman ang ginasundan nga motibo sang krimen sang Barotac Nuevo PNP./PB
[/av_textblock]
[/av_one_full]