[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’3rd district sang Iloilo sunod nga pokus sang PRO-6 ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Sa tion nga matapos na ang trabaho sang Police Regional Office (PRO) 6 sa quinto distrito sang probinsya sang Iloilo, isunod dayon nila ang tercier distrito.
Ginpahayag ni Chief Supt. Cesar Hawthorne Binag, regional director sang PRO-6, nga nag-gwa sa datus niya nga nagasunod ang tercier distrito sa quinto distrito kon ang pagsaka sang focus crime ang hambalan kaangay sang physical injury, theft, rape, robbery, murder, motornapping, homicide, kag carnapping.
“After 5th district, my instruction to (IPPO) provincial director Tayaba, we go to 3rd district. ‘Yon yung parang ka-kompetensya ng 5th district kung saan meron tayong concern. As of now, ipinapa-assess ko pa lang,” siling ni Binag.
Ang tercier distrito ginabug-osan sang mga banwa sang Badiangan, Bingawan, Cabatuan, Calinog, Janiuay, Maasin, Mina, Calinog, Lambunao, kag Pototan.
Natukiban man dugang gikan kay Tayaba nga luwas sa pagsaka sang focus crime, may naga-operate man nga duha ka criminal gang sa tercier distrito.
Una nga ginhambal ni Tayaba nga apat sa pito ka mga criminal gangs sa probinsya ang naga-operate sa quinto samtang duha naman sa tercier nga nahamtang sa Calinog kag Pototan kag isa sa banwa sang San Enrique sa cuarto distrito.
Ini sila ang nadalahig sa pagbaligya sang ilegal nga droga, gun-for-hire kag robbery/hold-up nga naga-operate indi lang sa ila distrito kundi sa kaiping nga mga banwa.
Nagpamalibad ugaling ang IPPO director nga hingadlan ang lider sang duha ka grupo sa tercier bangod sang ila operasyon pero gin-aku niya nga gina-protehiran ang mga gang sang pila ka mga politiko./PB
[/av_textblock]
[/av_one_full]
