[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’6 KA PULIS PATAY SA AMBUSH ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus Garde
[/av_heading]
[av_textblock size=” font_color=” color=”]
Syudad sang BACOLOD – Patay ang hepe kag lima niya ka mga pulis kag isa ka sibilyan matapos nga gin-ambush sila sang ginapasuni mga katapo sang rebelde sa Syudad sang Guihulngan, Negros Oriental mga alas-10 sang aga kahapon.
Hambal ni Col. Elizier Losanes, commander sang 303rd Infantry Brigade sang Philippine Army, una nga gin-ambush sang ginapatihan New People’s Army (NPA) si Sangguniang Panglungsod member Edison De La Rita sa Sitio Mandi-i, Barangay Magsaysay sa nasambit nga syudad.
Nagluntad naman ang pagbaylohanay sang lupok sa tunga sang ginpasuni mga rebelde kag nagresponder nga mga pulis nga nagresulta sa kamatayon sang hepe sang Guihulngan City PNP nga si Supt. Arnel Arpon kag lima niya ka mga tinawo nga sanday:
- SPO2 Nicasio Abilon,
- bag-ong promote nga si SPO2 Jesael Ancheta,
- PO3 Chavic Agosto,
- PO2 Alvin Paul Bulandres, kag
- PO2 Alfredo Dungue.
Nakilala naman ang napatay nga sibilyan kay Michael Jambalos, drayber ni De La Rita.
Lakip naman sa mga pulis nga napilasan amo sanday SPO4 Jerome Delara, PO3 Jordan Balderas kag PO2 Jorie Maribao. Gindala sila sa Gov. William Velligas Memorial Hospital sa Guihulngan.
Sa pihak nga bahin, bangod sang serye sang pang-atake sang NPA, ginhambal sang nagligad nga Huwebes ni Presidente Rodrigo Duterte nga indi na sia gusto nga mag-istorya sa mga rebelde.
Matandaan nga sadtong Miyerkoles, isa ka miembro sang CAFGU ang ginpatay samtang apat ka mga miembro sang Presidential Security Group ang nasamaran sa pag-atake sang NPA sa Arakan, North Cotobato.
Ginpatay man sang NPA ang duha ka miembro sang Philippines Marines sa Palawan sang Miyerkoles.
Kag antes ini, ginpa-arakan man sang mga bala sang mga rebelde ang trak sang militar sa Davao./PB
[/av_textblock]
[/av_one_full]
