[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’8 ka empleyado sang city hall na-trap sa elevator’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Joel Franco
[/av_heading]
[av_textblock size=” font_color=’custom’ color=”]
Tuesday, March 21, 2017
[/av_textblock]
[av_textblock size=” font_color=” color=”]
Syudad sang ILOILO – Na-trap sa sulod sang elevator No. 2 sa 7th floor sang Iloilo City Hall ang walo ka mga empleyado nga kadam-an assigned sa city mayor’s office mga alas-11:45 ang takna kahapon sang aga.
Sunu kay building administrator Victor Facultad, nagapasirado na ang elevator sang naghingagaw sulod si executive assistant Fernando Jose “Boyet” Rico kag nabunggoan sini ang sira.
“May naghingagaw sakay sa elevator nga nagapasirado na. Nabunggoan niya ang sira amo to nga indi na magpanaog ang elevator,” kumpirmasyon ni Facultad
Kaupod ni Rico nga na-trap sa sulod ang isa ka babae nga nagabusong nga si alyas Mia, Rey Delfin Jr. kag pila pa ka kababaihan nga assigned sa opisina ni Mayor Jed Patrick Mabilog.
Nagpatawag pa sang mga katapo sang Bureau of Fire Protection si Facultad agud magbulig sa pagbukas sang puertahan sang elevator. Kag makaligad ang halos tunga sa oras, nakagwa ang tanan nga sulod sang elevator. Nahibaluan pa nga naulihi gwa sa elevator si Rico bangod indi sia makaigu sa giha sang puerta sang elevator.
Samtang, ginpahayag ni Facultad nga nagpahibalo na sila sa supplier sang elevator agud ma-usisa ang problema. Ang tatlo ka elevator gin-supply sang Hyundai kag natapos na ang warranty sini.
Nahibaluan nga may tatlo ka public elevators ang syudad kag ang nagpalya amo ang elevator nga nagalabay sa 2nd, 4th, 6th, kag 7th floors. Separado naman ang elevator para sa alkalde kag iban pa nga elected officials sang syudad./PB
[/av_textblock]
[/av_one_full]
