[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’AMBULANSYA VS TRAYSIKOL: 2 PATAY’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Saturday, June 24, 2017
[/av_textblock]
[av_textblock size=” font_color=” color=”]
Syudad sang BACOLOD – Ginbawian sang kabuhi ang duha ka persona samtang isa naman ang pilason sang nagbunggoanay ang ambulansya kag traysikol sa ginsang-an sang Kalye Rizal-Lacson diri mga alas-6:45 sang Huwebes sang aga.
Nakilala ang mga napatay kanday Dan Anthony Velasco, 45, taga-Brgy. Cabug sining syudad, kag Celso Reyes, 61, sang Syudad sang La Carlota, Negros Occidental. Ang napilasan nga isa ka nurse wala na ginhinambitan ang ngalan.
Sunu kay Police Officer 3 Johnny De La Peña, traffic investigator sang Police Station 1, ginapatihan madasig ang pagpadalagan ni Velasco sang traysikol kon sa diin nagbunggo ini sa ambulansya sang Amity Volunteer Fire Brigade nga mapadulong naman sa Corazon Locsin Montelibano Memorial Regional Hospital.
Sakay sa ambulansya ang anum ka mga tawo lakip si Reyes nga ginhingangaw kontani dala sa ospital bangod sa heart failure.
Ginliton pa si Reyes sa isa ka ambulansya apang ginlawag nga patay antes pa man mag-abot sa amo nga ospital. Gina-usisa pa kon may kaangtanan sa iya masakit ang pagkapatay sang biktima ukon sa ila pagka-aksidente.
Samtang si Velasco naman nakaangkon sang madamo nga mga pilas nga ang patal sa iya ulo nga nagresulta sang iya kamatayon.
Ang drayber naman sang ambulansya nga si Joemil Labatdan sang Syudad sang La Carlota nahunong na subong sa Police Station 1./PB
[/av_textblock]
[/av_one_full]
