[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ARMY, NPA NAG-ENGKWENTRO SA LEON |Tanod nadalahig, nasamaran sa abaga’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Wednesday, June 21, 2017
[/av_textblock]
[av_textblock size=” font_color=” color=”]
Syudad sang ILOILO – Tatlo ka adlaw matapos nga ginsalakay sang mga katapo sang New People’s Army (NPA) ang Maasin Municipal Police Station, nagluntad naman ang engkwentro sa tunga sang mga ini kag mga katapo sang 61st Infantry Battalion (IB) sang Philippine Army sa Barangay Lampaya, Leon, Iloilo pasado alas-10 sang aga kahapon.
Ginkumpirmar ni Lieutenant Col. Sisenando A. Magbalot Jr., commanding officer sang 61st IB, nga naglawig sang masobra 30 minutos ang pagbaylohanay sang lupok sang iya mga tinawo kag ginapatihan mga rebelde nga indi magnubo sa 30 ka bilog.
Kaupod man sang mga soldado sa engkwentro ang tropa sang Regional Public Safety Battalion kag Special Action Company nga nagalagas sa 40 tubtob 50 ka mga rebelde nga nagsalakay sa Maasin PNP sadtong Domingo sang aga.
Ginhambal man ni Magbalot nga kabahin sang ila pag-ayam sa mga rebelde nga responsable sa pagsalakay sa Maasin PNP ang ginahimu nga operasyon sa mga banwa sang Alimodian kag Leon.
TANOD PILASON SA ENGKWENTRO
Samtang, bangod sang engkwentro, nasamaran sa abaga ang barangay tanod sang Brgy. Lampaya nga si Romeo Cabalong nga nataboan nga naga-duty sang nagluntad ang engkwentro.
Gilayon man sia nga gindala sa Western Visayas Medical Center sa syudad para mabulong.
Luwas sa tanod, gina-alegar pa nga duha ka mga miembro sang NPA ang nasamaran sandig sa nakit-an sang mga residente.
Sunu sa mga residente nga ginbuligan sang mga rebelde ang duha nila ka upod nga makalakat para makapalagyo.
KLASE SA ALIMODIAN GINSUSPENDIR
Sa pihak nga bahin, napilitan si Mayor Geefre “Calay” Alonsabe sang Alimodian nga suspendiron ang klase sa ila banwa kahapon sang hapon para masiguro nga wala sang mga estudyante nga madalahig sa gamo.
Kag samtang ginasulat ining balita, padayun pa ang clearing operation sang mga soldado sa ginluntaran sang engkwentro.
NPA NANGINWALA
Ginpanginwala sang NPA nga sila ang naka-engwentro sang mga soldado. Para sa NPA-Panay, duha ang posible nga ugat sang hitabo nga ini. Ang una amo ang misencounter sang naga-operasyon nga tropa sang 61st IB kag sang mga katapo sang paramilitar/Cafgu sa Lampaya nga indi nila maayo nga nakoordina. Ikaduha, hungod nga ginhimu ang eksena nga ini para hatagan sang rason ang pagmilitarisa sa mga barangay nga ila ginadudahan nga direksyon sang NPA nga nag-reyd sa Maasin PNP. Labaw sa tanan, siling nila, indi mahimu nga himuon sang NPA ang amo yadto nga kaladlawan nga pamaagi sang “atake.” Base pa sa pahayag nga gin-isyu paagi sa ila Facebook page ni Ka Julio Montana, tagapamaba sang Coronacion “Waling-waling” Chiva Command, NPA-Panay Region: “Ginahangkat namon ang 61st IB na magtindog sa kamatuoran sa pag-ako sang ila kasaypanan kag sabton ang huol kag galastuhan sang pamilya labi na nga yara sa kritikal nga kondisyon subong ang ila naiguan nga katapo sang Cafgu.”/PB
[/av_textblock]
[/av_one_full]
