[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ Bangkay sang lalaki nasapwan sa Oton’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_image src=’http://www.panaynews.net/wp-content/uploads/2017/10/front-pic.jpg’ attachment=’120965′ attachment_size=’full’ align=’center’ styling=” hover=” link=” target=” caption=” font_size=” appearance=” overlay_opacity=’0.4′ overlay_color=’#000000′ overlay_text_color=’#ffffff’ animation=’no-animation’][/av_image]
[av_textblock size=” font_color=” color=”]
Syudad sang ILOILO – Wala na sang kabuhi sang nasapwan ang lalaki nga nagakulob sa bakante nga lote sa Barangay Cabolo-an Norte, Oton, Iloilo alas-otso sang aga kahapon.
Ginkilala ang biktima kay Gerry Senato, 48, kag tumandok sang Brgy. San Jose, San Miguel, Iloilo.
Sandig sa imbestigasyon sang Oton PNP kag ni Chief Insp. Hilarion Rogo sang Scene of the Crime Operatives, nakita ang biktima sa bakante nga lote sa likod sang balay ni Richard Gonzaga matapos nga nakapanimaho ang naulihi sang indi kinaandan nga baho.
Nadiskubrehan man nga nagkadto sadtong Oktubre 13 sang gab-i sa namatyan sang ila himata sa Brgy. Abilay Norte, Oton ang biktima kag alas-tres sang kaagahon sang Sabado ulihi ini nakit-an nga nagapungko sa higad sang dalan.
“Nasapwan sang tag-iya sang balay because sang kabaho. According sa magulang sining victim kita ya pa sa himatayan sang ila hinablos ang biktima mga 11 p.m. sang Friday. Then 3 a.m. nakita sa kanto sa sini nga barangay nga nagapungko,” panaysayon ni Roga.
Pero indi pa madeterminar ni Roga kon ano ang gintunaan sang kamatayon sang biktima bangod nga nagahabok na ang lawas sini pero posible nga nakadanlog ini dala sang mamunog nga ulan sang nagligad nga Biyernes kag dugangan pa nga nakainom.
“Kumo nga naka-inom kag mamunog ang ulan sang Biyernes, basi kon nakadanlog amo na nga nakakulob kag nakabunggo ang ulo ya kay right beside sang biktima may sementado nga portion,” dugang ni Roga.
Para mabal-an gid ang gintunaan sang kamatayon ni Senato, natalana ini nga ipa-idalom sa autopsy examination./PB
[/av_textblock]
[/av_one_full]
