Bata sang gina-alegar drug lord dakop sa buy-bust

Ni Cyrus M. Garde

Friday, April 21, 2017

 

 

Syudad sang BACOLOD – Nadakpan ang bata sang ginapasuni nga drug lord sa ginkasar nga buy-bust operation sang Miyerkoles sa Hinigaran, Negros Occidental.

Sunu kay Superintendent Roberto Lingbawan, hepe sang Regional Special Operation Task Group 18, ang suspek nga si Jelo Ramos alyas Doydoy, 30, kag naga-istar man sa banwa sang Hinigaran ang nadakpan nila matapos ang maid-id nga pagmonitor.

Si Jelo ang ginakabig man nga No. 3 nga high-value target sang mga otoridad kag bata ini sang nagsungka sadto nga ginapahayag drug lord sa Hinigaran nga anay katapo sang Philippine Constabulary nga si Jessie Ramos.

Nakuha sa paghinakop ni Jelo ang 10 ka elongated sachets sang ginapasuni shabu kag drug paraphernalia. Lakip man nga nabawi sa iya ang P500 nga marked money.

Sa nahibaluan nga si Jessie nagsungka sadto sa Philippine Drug Enforcement Agency (PDEA) sa Manila paagi kay PDEA director Isidro Lapeña sa presensya man ni anay Negros Island Region director Chief Supt. Conrado Capa./PB