Bus vs traysikol: 2 patay  

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’Bus vs traysikol: 2 patay   ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]

[av_textblock size=” font_color=” color=”]
Syudad sang BACOLOD – Ginbawian sang kabuhi ang duha ka pasahero sang traysikol sang nagbunggoanay ang ila ginasakyan kag Ceres bus sa national highway sa Crossing Ambush sakop sang Barangay Manalad, Ilog, Negros Occidental.

Napatay samtang ginabulong sa Lorenzo Zayco District Hospital sa Syudad sang Kabankalan ang duha ka biktima nga sanday Jay Estosa, 37, may asawa, kag Alano Matunding, 38, may asawa.

Sunu pa kay Chief Inspector Nerito Lobrido, hepe sang Ilog PNP, ang drayber sang traysikol nga si Francisco Tabucon, 45, may asawa kag taga-Brgy. Camugao, ginliton saa Corazon Locsin Montelibano Memorial Regional Hospital sa Syudad sang Bacolod.

Sunu sa imbestigasyon sang kapulisan, mapadulong ang traysikol sa Syudad sang Kabankalan kag sugata nila ang Ceres nga ginamaneho ni Joeann Amante Doronila, 40, may asawa kag naga-istar sa Brgy. Ara-al sa Syudad sang La Carlota nga mapadulong sa Candoni sang Domingo.

Ginreport nga nahulog ang kalo sang isa sa mga pasahero sang traysikol kag ginbalik sang drayber nga gilayon nagliso.

Natabuan man nga nag-ulhot ang bus sa crossing nga nagresulta sang ila pagbunggoanay.

Nagsungka naman sa kapulisan si Doronila matapos ang aksidente./PB
[/av_textblock]

[/av_one_full]

LEAVE A REPLY

Please enter your comment!
Please enter your name here