[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’DRAYBER PATAY SA RIDING-IN-TANDEM’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=”]
Thursday, April 20, 2017
[/av_textblock]
[av_textblock size=” font_color=” color=”]
Syudad sang ILOILO – Napatay ang traysikad drayber nga gintiro sang riding-in-tandem sa Barangay Poblacion North, Oton, Iloilo alas-10 sang aga kahapon.
Dead-on-arrival sa Western Visayas Medical Center ang biktima nga si Eleseo Himilla y Alcala, 61, kag residente sang Brgy. Poblacion, North, Oton, bangod sang patal nga mga pilas sa dughan kag iban pa nga bahin sang iya lawas.
Sandig sa imbestigasyon sang Oton Municipal Police Station (MPS), nagapungko ang biktima sa iya traysikad samtang nagahulat sa iya asawa sa gwa sang lending company sang naglabay ang duha ka suspetsado nga nagasakay sa XRM nga motorsiklo kag gulpi lamang sia nga gintiro sang back rider gamit ang ginapatihan kalibre .45 nga armas.
Ginlaragway naman sang Oton PNP ang triggerman nga nagasuksok sang puti nga t-shirt kag short kag may backpack samtang ang drayber medyo maniwang kag nakasuksok sang camouflage nga t-shirt kag short.
Narekober man sang kapulisan sa ginluntaran sang krimen ang pito ka fired cartridges, isa ka fired bullet kag isa ka fired deformed bullet sang ginapatihan kalibre .45.
Nag-gwa man sa imbestigasyon sang Oton PNP nga target gid sang mga suspetsado ang biktima bangod nga gindulogan gid sia pero ginadula sang kapulisan ang motibo nga may labot ang natabo sa kaso sini nga pagpatay 20 ka tuig na ang nagligad. Na-areglo na ang amo nga kaso kag madugay naman sia nga nakagwa sa prisohan.
Gindugang pa sang Oton PNP nga nagpalagyo ang mga suspetsado padulong sa Brgy. Buray, Oton matapos nakita nga naghuray-ad na sa karsada ang biktima./PB
[/av_textblock]
[/av_one_full]
