Duterte dinapit nga bisita sa MassKara Fest

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’ Duterte dinapit nga bisita sa MassKara Fest ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]

[av_textblock size=” font_color=” color=”]
Syudad sang ILOILO – Magatambong si Presidente Rodrigo Duterte sa highlight sang ika-38 nga MassKara Festival sa Syudad sang Bacolod sini nga Domingo.

Takna alas-5:30 sa hapon magaabot si Duterte sa Bacolod City public plaza, sunu sa media advisory sang Philippine Information Agency Negros Occidental kahapon.

Madumdoman nga sang nagligad nga tuig nga festival, dinapit man nga bisita ang presidente.

Angut naman sa sining pagbisita sang presidente, nag-augment sang dugang nga pulis sa syudad ang Police Regional Office (PRO) 6 para masiguro ang kalinong kag katawhay.

Una nga nagpadala ang PRO-6 sang 311 ka mga pulis sa Bacolod sang Lunes kag gindugangan ini sang 410 sang Huwebes.

Humalin sang Miyerkoles naman, nagsugod na ang gun ban sa Bacolod kon sa diin ginadumilian ang mga pumoluyo nga magdala sang pusil nga wala sang permit gikan sa PRO-6. Magalawig ini tubtob Oktubre 23 ukon isa ka adlaw pagkatapos sang highlight sang festival sini nga Oktubre 21 tubtob 22.

Ang mahimu lang makadala sang pusil amo ang mga katapo sang law enforcement units nga ginalakipan sang mga pulis kag soldado nga yara sa ila opisyal nga duty kag nakasuksok sang kumpleto nga uniporme.

STREET AND ARENA DANCE COMPETITION

Sa pihak nga bahin, 11 ka mga eskwelahan ang magapa-indisanay sa separado nga mga kategoriya sa elementary kag high school sa 2017 MassKara Festival street and arena dance competitions subong nga Sabado.

Sunu kay Rudy Reveche, chairman sang street dance committee nga gin-organisar sang Silver Masskara Festival Organization, ang magapasakop nga pito ka elementary kag apat ka high schools amo ang:

  • Banago Elementary School II (District I),

  • Bata Elementary School II (District II),

  • Mabini Elementary School (District III),

  • Handumanan Elementary School I (District IV),

  • Luis Puentevella Elementary School (District V),

  • Education and Training Center School – I (District VI),

  • Mariano G. Medalla Integrated School (District VII),

*Domingo Lacson National High School (Unit I),

  • Romanito Maravilla National High School (Unit II),

  • Bacolod City National High School (Unit III), kag

  • Paglaum National High School (Unit IV).

Ang kada magadaog sa elementary kag secondary levels makabaton sang premyo nga P70,000 bilang first prize; second prize – P50,000; third prize – P30,000; kag fourth prize – P20,000.

Pag-abot naman sang Domingo, 14 ka mga barangay ang magapasakop sa street dance and arena competition.

Ini amo ang mga barangay 5, 7, 8, 15, 18, 26, 29, 39, 40, Alijis, Mandalagan, Pahanocoy, Punta Taytay, kag Tangub.

Makabaton sang premyo nga P100,000 ang mangin first placer, second – P75,000, third – P50,000, fourth – P30,000, kag fifth –  P20,000.

Sa special awards, ang magadaog magabaton sang tag-P7,000 para sa best in concept, best in mask, best in costume, kag best in choreography./PB

 
[/av_textblock]

[/av_one_full]

LEAVE A REPLY

Please enter your comment!
Please enter your name here