[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Engr, kontraktor sang dalan sa Pototan ipatawag ni Defensor ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Igapatawag sang gobernador sang probinsya sang Iloilo ang district engineer kag kontraktor nga nagakay-o sang dalan sa Brgy. Rumbang, Pototan, Iloilo.
Tuyo ni Gob. Arthur Defensor Sr. nga ma-istoryahan ang pagpugok sang mga salakyan sa Brgy. Rumbang padulong sa Dalan F. Parcon, Pototan ilabi na kon rush hours bangod sang pagkay-o sang dalan.
Ining tikang ni Defensor kasunod man sang nabaton nga reklamo halin sa mga pumuluyo kag motorista nga nagalabay sa Brgy. Rumbang nga masobra duha ka oras ang ila ginadulog bangod sang malawig nga trapiko.
“Ipatawag ta na lang ang district engineer kag ang kontraktor. Ang pag-atrasar indi na ninyo ma-ibitar kay bisan didto sa Tigbauan-Oton atrasado man pero may system naman,” siling ni Defensor.
Posible nga sa masunod nga semana makigsapol ang gobernador sa district engineer nga nagatutok sa proyekto kaupod ang kontraktor para ma-istoryahan ang solusyon kon paano mapahagan-hagan ang trapiko.
Isa naman sa nakit-an nga solusyon ni Defensor sa problema amo ang pagbutang sang traffic enforcer nga magabantay 24 oras sa dalan para madumala ang mga salakyan nga nagalabay sa lugar.
“Importante sina may bantay, himuon ang bantay 24 oras. May naga-traffic. Simple nga problema na,” dugang sang gobernador.
Nahibalua pa nga indi lang mga taga-probinsya sang Iloilo nga mga motorista ang nagalabay sa lugar kundi mga bus kag iban pa nga mga salakyan gikan sa Capiz kag Aklan./PB
[/av_textblock]
[/av_one_full]