[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’GEROCHI, NAVA NAG- INITAY SA SP SESSION ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Joel Franco
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Liwat nga nag-initay sanday mga konsehal Plaridel Nava kag RLeone Gerochi sa deliberasyon sang Sangguniang Panlungsod sa kaso administratibo nga ginpasaka batok kay Jalandoni Estate, Lapuz punong barangay Efren Gimeo.
Ginakwestiyon ni Nava kon ngaa nga may anum ka gin-encash nga tseke si Gimeo nga nagakahulugan may anum man ka counts sang malversation of public funds pero duha lang ka bulan ang suspensyon nga ginpapanaog sang adhoc committee nga ginapamunoan ni Gerochi.
Bilang sabat, ginpahayag ni Gerochi nga isa ka spontaneous offense ang nakomiter ni Gimeo kag wala man ginapilit si Nava nga mag-ugyon sa desisyon sang adhoc committee.
“It’s a spontaneous offense. So kon amo na ang amon desisyon, indi lang sia mag-ugyon eh. Wala man na ya sang problema, it’s signed by the adhoc committee,” sabat ni Gerochi kay Nava.
Paathag pa niya nga bunga ini sang deliberasyon sang komitiba kag amo ini ang desisyon nila kag indi man criminal case ang ginaatubang ni Gimeo.
Ginsiling man dayon ni Gerochi nga dapat ibutang sa rekord nga ginhambalan sia nga mango ni Nava: “I want to put it on record nga nagsiling sia nga ka-mango gid sa iya.”
Bilang sabat, ginahambal ni Nava, “Hambal ko, naga-mango ako.”
Sabat pa ni Gerochi, “I heard it very well.”
Nga ginbalosan pa gid ni Nava nga, “Bungol ka ya.”
Nauntat lamang ang baylohanay sang sugilanon sang duha ka konsehal sang nagpatunga na si Konsehal Joshua Alim nga katapo sang adhoc committee nga i-defer anay ang approval kag i-tackle na lang ini sa masunod nga session.
Nahibaluan nga may kaso administratibo nga ginpasaka batok kay Gimeo kag gin-refer sa adhoc committee. Sa desisyon sang komitiba, nakita nila nga guilty si Gimeo gani ginpapanaogan ini sang duha ka bulan nga suspensyon./PB
[/av_textblock]
[/av_one_full]