Gun ban sa Bacolod nagsugod na

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’Gun ban sa Bacolod nagsugod na ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]

[av_textblock size=” font_color=” color=”]
Syudad sang ILOILO – Nagsugod na ang pagpatuman sang Police Regional Office (PRO) 6 sang gun ban sa Syudad sang Bacolod angut sa pagsaulog sang tuigan nga MassKara Festival.

Humalin sang Miyerkoles, ginadumilian na ang mga pumoluyo nga magdala sang pusil nga wala sang permit gikan sa PRO-6 kon yara sa Bacolod. Magalawig ang gun ban tubtob Oktubre 23 ukon isa ka adlaw pagkatapos sang highlight sang festival sa Oktubre 21 tubtob 22.

Ang mahimu lang makadala sang pusil amo ang mga katapo sang law enforcement units nga ginalakipan sang mga pulis kag soldado nga yara sa ila opisyal nga duty kag nakasuksok sang kumpleto nga uniporme.

Tinutuyo sang gun ban nga mapabilin nga malinong kag matawhay ang pagselebrar sang maduagon nga MassKara Festival nga ginadugokan indi lang sang mga pumoluyo sang Bacolod kag Negros Occidental kundi sang iban pa nga mga tawo gikan sa bug-os nga rehiyon 6 kag turista.

Kabahin man ini sang ginapatuman nga seguridad sang PRO-6 ilabi pa nga mangin dinapit nga bisita tion sang highlight sang festival si Presidente Rodrigo Duterte.

Nahibaluan nga nagpadala naman kahapon sang dugang nga 410 ka mga pulis ang PRO-6 sa Bacolod para magbulig sa mga pulis nga ginpalapta sa palibot sang syudad.

Matandaan nga nagpadala na sang una nga 311 ka mga pulis ang PRO-6 sa syudad pero gindugangan ini sang nasigurado na nga maabot si Duterte./PB

 
[/av_textblock]

[/av_one_full]

LEAVE A REPLY

Please enter your comment!
Please enter your name here