[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Hinablos ginpatay sang tiyo’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=”]
Friday, March 24, 2017
[/av_textblock]
[av_textblock size=” font_color=” color=”]
Syudad sang ILOILO – May mga pilas tuga sang pagtiro ang lalaki nga nasapwan patay sa tunga sang kampo sang tubo sa Barangay San Antonio, San Enrique, Iloilo alas-tres sang kaagahon kahapon.
Ginkilala ang biktima nga si Adonis Pedios, 36, kasado kag residente sang nasambit man nga barangay. Nakaagom ini sang duha ka mga pilas sa dughan kag sa tiyan kag tuo nga paa.
Sa interbyu sang Panay Balita kay Chief Inspector Herman Celiz Jr., hepe sang San Enrique Municipal Police Station (MPS), ang iya man mga pamilya ang nakasapo sa biktima nga nagakaya sa katubohan.
Antes naman nasapwan, alas-5:30 sang hapon sang Miyerkoles nakita nga naga-istambay pa ang biktima sa gwa sang ila balay sang gulpi lamang naglabay ang iya mga tiyo nga sanday Efren Alada, 60, kag Henry Alada, 52, lunsay mga residente sang Brgy. San Antonio.
Wala sang ano man nga rason, nagpanaog ang mga ini kag basta na lamang gintiro ang biktima.
Nakadalagan pa ang biktima bisan nga may pilas samtang nagpalagyo naman ang mga suspek.
“Kahapon mga 5:30 p.m. naga-istambay ni sia sa atubang sang ila balay. Gulpi lang naglabay ang duha ka suspek nga nagasakay sa motorsiklo. Wala sang ano man, nag-gabot ni ang mga suspek sang ila armas kag gintiro ang biktima sang pila ka beses. Ang biktima nagdalagan bisan naigu sia. Pagdalagan ya, ang mga suspek nagpalagyo lang man sakay liwat sa motor,” panaysayon ni Celiz.
Nahibaluan pa nga ginpangita sang iya pamilya ang biktima matapos nga wala makapauli sang Miyerkoles sang gab-i tubtob nasapwan sa katubohan.
Narekober sa ginluntaran sang krimen ang isa ka bala sang ginapatihan kalibre .45 nga armas.
Away naman sa duta ang ginasunod nga anggulo sang San Enrique MPS sa hitabo bangod nga naga-agaway sang duta ang magtiyo.
Samtang ginasulat ining balita, padayun pa ang hot pursuit operation sang San Enrique MPS sa mga suspek./PB
[/av_textblock]
[/av_one_full]
