[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ Lalaki gintiro ang iya ulo ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Bangod sang daku nga pagkahanusbo sa iya sitwasyon sa ika-ayong lawas, naghikog ang 67 anyos nga lalaki paagi sa pagtiro sang iya ulo sa ila balay sa Purok Masinadyahon, Barangay Lag-asan, Syudad sang Bago, Negros Occidental.
Nakilala ang biktima nga si Eduardo Villaruz, soltero.
Sunu sa iya utod nga si Reynaldo Villaruz, nabatian niya ang isa ka lupok kag gilayon sia nga nagsulod sa kwarto sang biktima. Naabtan na lang niya nga nagahamyangon sa katre ang utod kag nagapaligo sa kaugalingon nga dugo.
Gilayon man nga gindala si Eduardo sa Bago City Hospital pero dayon nga ginliton sa Corazon Locsin Montelibano Memorial Regional Hospital sa Syudad sang Bacolod agud madapatan sang nagakaigu nga pagbulong.
Sunu naman sa iya mga himata, nagakahanusbo ang biktima bangod sa iya masakit nga madugay na niya nga ginadala.
Dugang pa sang iya mga himata nga masami nagahambal si Eduardo nga mahikog agud matapos na ang iya pag-antus./PB
[/av_textblock]
[/av_one_full]
