P100K ginhatag sa informant sa pagkatikma sa Balume group

[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]

[/av_textblock]

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’ P100K ginhatag sa informant sa pagkatikma sa Balume group ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]

[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Gin-turnover na sang Iloilo Police Provincial Office (IPPO) kag sang lokal nga pangulohan sang banwa sang Sara, Iloilo ang P100,000 nga reward money sa naga-isahanon nga informant nga nakabulig sa pagkatikma sang Balume group sa Barangay Poblacion, Hinoba-an, Negros Occidental sadtong Oktubre 10.

Sanday Senior Supt. Marlon Tayaba, director sang IPPO, kag municipal treasurer sang Sara nga si Joy Abellar ang naghatag sang P100,000 nga cash sa lalaki nga informant nga tumandok sang quinto distrito.

Sunu kay Tayaba nga nakabulig ang impormasyon nga ginhatag sang informant sa pagka-aresto ni Arturo Balume Sr. alyas Master Pedic, 62, sang Barangay Bato, Sara, Iloilo, kaupod ang asawa sini nga si Honey Grace; bata nga si Arturo Jr., 27, kag asawa sini nga si Pamela, 23; kag utod sang naulihi nga si Ryan Cainglet, 29.

“We are handling a reward for the informant that led to the capture of Master Pedic and his group. Apat yon ang nahuli natin with two firearms and several sachets of illegal drugs sa may Poblacion, Hinoba-an, Negros Occidental,” siling ni Tayaba.

Si Master Pedic ang ginakabig nga high-value target level 3 kag ginatudlo nga lider sang Balume group nga gina-alegar responsable sa mga krimen sa quinto distrito.

Gindugang pa ni Tayaba nga ang ginahatag nga reward sang lokal nga mga pangulohan sa mga informant ang makapasangkad sang operational accomplishment sang kapulisan bangod nga madamo na sang magahatag sang impormasyon para madakpan ang hangkilan nga mga suspek.

Nagalaum man sia nga sundon sang iban nga mga banwa ang ginhimu sang Sara nga paghatag sang reward para madakpan ang ila mga wanted persons ilabi na ang nadala sa listahan sang mga high-walue targets.

Sa datus sang IPPO, si Ernesto Bolivar alyas Erning sang Brgy. Guinacas, Pototan, Iloilo na lang ang nabilin nga lider sang drug group sa Iloilo nga wala pa madakpan tubtob subong pero nakabaton sang impormasyon si Tayaba nga nagapanago ini sa rehiyon 6 rason nga ila ini ginabantayan./PB

 
[/av_textblock]

[/av_one_full]

LEAVE A REPLY

Please enter your comment!
Please enter your name here