[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Pagtambong ni Duterte sa Dinagyang, halos sigurado na’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Joel Franco
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Halos sigurado na ang pagbisita ni Presidente Rodrigo Duterte sa sining syudad agud magtambong sa Iloilo Dinagyang 2018.
Sunu kay Mayor Jose Espinosa III, personal niya nga ginpalambot ang imbitasyon sa presidente. Kag positibo sia nga paboran sang presidente ang hinyo sang mga Ilonggo nga magtambong sa Dinagyang Festival sa ika-50 ka tuig sang kahiwatan.
“Subong daw may aksyon na ang PMS (presidential management staff), PSG (presidential security group) kag ang iya appointment secretary may mga ginapamangkot na,” pahayag ni Espinosa.
Bangod sini, nagtukod na sang committee si Espinosa agud handaan ang pagbisita sang presidente. Pahayag sang alkalde kinahanglan nga handaan ang tanan bangod tuhay ang kinahanghlanon nga seguridad sa pag-abot sini.
“In response to that, nag-create man ako sang committee para sa presidential visit alone. Kinahanglan mag-counterpart. Bal-an mo iba kon ang president na ang mag-abot,” paathag ni Espinosa.
Ginkumpirmar man sini nga ara na kay Special Presidential Assistant Bong Go ang schedule sang festival.
Kon matabu ang pagbisita ni Duterte sa Iloilo, sia na ang ikaduha nga sitting president nga nagtambong sa Dinagyang Festival kasunod ni anay Presidente Gloria Macapagal-Arroyo.
PANAN-AWAN SA ILOILO
Sa pihak nga bahin, okay na ang Iloilo sa panan-awan ni Duterte. Ini ang pagpati ni Espinosa matapos maayo ang pagbaton sa ila sa Malakanyang.
Madumdoman nga nakigsapol ang alkalde sa presidente sadtong Nobyimbre 23 upod kanday Senador Cynthia Villar kag Cong. Ferj Biron.
“Madamo na sia sang nangin pronouncement sa Iloilo. Ang pag-welcome pa lang sa aton sa Malakanyang gina-interpret ko na ya nga okay na kita,” pahayag ni Espinosa.
Matandaan nga makapila nga gin-tag ni Duterte si anay Mayor Jed Patrick Mabilog nga protektor sang ilegal nga droga nga ginpanginwala naman sang naulihi. Makapila man nga gintawag sini nga “most shabulized city” kag “bedrock of illegal drugs” ang Syudad sang Iloilo.
Bangod man sang maayo na nga panan-awan sang presidente sa Iloilo, ginapabot nga mangin madali naman ang pagpalapit sang syudad sa mga cabinet secretaries para sa posible mga proyekto diri.
“Kon maayo ang president sa aton, mahapos man ang pagpalapit sa mga cabinet secretaries para sa mga projects,” dugang pa ni Espinosa./PB
[/av_textblock]
[/av_one_full]