Pangayaw nga durogista arestado

Ni Ime Sornito

Friday, April 21, 2017

 

Syudad sang ILOILO – Nagkitkit sang malamig nga rehas ang lalaki nga nangayaw pa sa pagbaligya sang ginapasuni shabu sa Barangay Tabucan, Barotac Nuevo, Iloilo.

Ang suspek nga si Oscar Mendoza y Pamplona, 63, kasado kag residente sang Brgy. Guinacas, Pototan, Iloilo, nadakpan sa ginkasar nga buy-bust operation takna alas-nueve sang aga kahapon.

Sunu sa report sang Barotac Nuevo Municipal Police Station (MPS), nadakpan si Mendoza sang isa ka sachet sang ginapatihan shabu balor P500.

Sang ginrikisa, nakuhaan pa gid sia sang pito ka mga plastic sachets sang ginapatihan shabu, marked money kag cash nga P8,300.

Nag-gwa man sa report sang kapulisan nga si Mendoza ang halos duha na ka semana nga ginabantayan sang Barotac Nuevo PNP antes ginpa-idalom sa buy-bust./PB