PANUGDAON

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’PANUGDAON ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
NI ROBERTO ‘BERT’ LADERA
[/av_heading]

[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
NAGADOGSING ANG MGA GITING

Nagapamatyag karon ang nagapanago nga durogista kon ano ang sitwasyon sang komunidad karon nga wala sang may naga-ayam sa ila nga kapulisan. Ginahimulsohan nila ang komunidad kag ginatilawan nila nga ibalik ang nautod nga kaangtanan sa ila mga koneksyon sadto nga upod nga nagatiyog sa kalibutan sang ilegal nga droga.

Malinong ang sitwasyon apang madalom kon tungkaron. Lunsay nagapanilag bangod nga wala sang pulis nga nagahulag. Kahibalo sila kon ano ang abilidad sang mga katapo sang Philippine Drug Enforcement Agency (PDEA) 6. Ginahimulsohan nila kon mapasaot nila sa ila ginapatukar nga sonata, kon kaangay man sa mga nauna nga mga ahente nga mahimu nila mapasunod sa tukar nga ila luyag.

Nagapang-ampo ang PDEA-6 nga kulang gid sila sang tawo para makalunsar sang asud-asud kag dalagku nga operasyon, kulang sila sa kagamitan, salakyan, kag iban pa nga galamiton sa ila operasyon kag labaw sa tanan kulang sila sa pundo nga igasto sa tagsa ka nagahiwat sang operasyon.

Mas pa gid nga nabudlayan ang mga ahente sang PDEA-6 bangod nga indi sila makahambal kag makahangop sang pulong nga Hiligaynon rason nga nabudlayan sila sa pagtukib sang mga bagay kag makatipon sang impormasyon. Nabudlayan man ang mga ahente sa paglighot sa mga lugar bangod nga indi sila pamilyar kag nagatalang sila sa pasikot-sikot sang mga lugar.

Bangod sa sini nga panuaron, makabig nga makaluluoy lang ang PDEA-6 nga nakahiwat lang sang anum ka anti-drugs operation umpisa nga gintugyan sa ila ni Presidente Rodrigo Duterte ang pag-away sa ilegal nga droga kag ginpahigad ang kapulisan.

Ginahimulsihan sang gobyerno ang sitwasyon, nagahimulso man ang mga tawo nga imbolbado sa negosyo sang ilegal nga droga.

Apisar nga madamo na sang napukan, apisar nga madamo na ang mga nadakpan apang ang kamatuoran nagapabilin nga may yara pa sila sang mga tinugyanan nga ila masaligan nga nagahimu sang ila ginbayaan nga hilikuton.

Bisan pa gani nga yara na sa sulod sang karsel ang mga drug personalities apang ang iban sa ila padayun nga nagapangita sang paagi kon paano mapadayun ang ila naandan nga hilikuton nga nagahatag sa ila sang tuman ka damo nga kwarta, daku nga impluwensya kag daku nga organisasyon.

Nagalantaw lang ang pulis sa nagadulo nga PDEA-6, kaangay sang isa ka tawo nga may sablag nga indi makalakat kag kon makatikang man yara lang sa luyo ukon indi gid makapalayo; makapoy kag wala sang may mahimo ang imbalido.

Bangod sa sini nga kakulangan, kasablagan, kag kahuyang sang PDEA-6, lauman na ang pagpagsik sang negosyo sa ilegal nga droga, lauman na ang paglutaw sang mga nagasalom, lauman na ang pagtuhaw sang mga nagapanago.

Apang nagapati ako nga istratehiya lamang ini sang administrasyon nga hatagan sang gat-al ukon espasyo bangod kon untatan sang lugay ang yara sa sulod sang baso, maamat-amat lugdang ang lagdu kag nagasinaw ang tubig kag mas makita sang maathag ang unod sang baso.

Masadya nga nagapanilag, madasig ang paghulag, nagawagwag sang ramag kag nagapamentaha sa higayon nga kalmante kag wala sang operasyon.

Nagadogsing ang mga giting./PB
[/av_textblock]

[/av_one_full]

LEAVE A REPLY

Please enter your comment!
Please enter your name here