[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON | GINGUBA ANG PLAKA’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
ROBERTO ‘BERT’ LADERA
[/av_heading]
[av_textblock size=” font_color=” color=”]
Monday, June 26, 2017
[/av_textblock]
[av_textblock size=” font_color=” color=”]
Naglanog ang balita nga may PDEA agent nga napatay matapos nga ginhiwat ang buy-bust operation batok sa iya sang Sibalom Municipal Police Station sang damlag lang.
Ginkilala ang biktima kay Macario Grasparil alyas Macky kag tumandok sang Sibalom, Antique nga madugay na nga ahente sang PDEA-6 kag may madamo na sang natigayon nga dalagku nga operasyon.
Ginpahayag ni Police Inspector Clark Philip Dinco, ang officer-in-charge sa Sibalom Police Station, nga naglunsar sila sang buy-bust operation batok sa sini nga persona nga madugay na nila nga ginamonitor sa pasuni nga may kahilabtanan sa pagduso sang ilegal nga druga.
Ginlunsar nila ang operasyon batok kay Macky. Sunu sa alegasyon ni Dinco, nagbatu sa ila si Macky bangod naghana nga maghunos sang iya pusil rason nga ila gin-unahan kag naluthangan kag napatay ang biktima.
Ini ang bersyon ni Dinco base sa iya pahayag pagkatapos sang insidente.
Apang may mga talalupangdon nga bagay nga dapat hatagan sang pagtamod sa sini nga insidente. Sa pagpadayun sang imbestigasyon, mahimu nga magasumpakilay ang mga akto batok sa mga tinaga, mga pahayag batok sa mga hulag, ang katuyoan batok sa katumanan.
Nagapangduha-duha ang PDEA-6 sa alegasyon nga nagbatu ang ila ahente rason nga naluthangan kag napatay. Ila ginhinyo ang bulig sang NBI-6 agud nga magtungkad sa mga madalom nga palamangkutanon, kag agud nga indi mamantsahan ang magtimbang nga bahin sa dalagan sang pag-usisa.
Ginatutokan sang PDEA-6 ang lakat sang imbetigasyon. May yara sila sang nasimhotan nga malangsa. May mantsa sa puti nga tela. May banas nga dapat usuyon. May kasanag nga dapat dawaton.
Sunu sa inisyal nga report, may yara sang pagduda nga nagatalikod ang biktima sang ginluthang. May mga patimaan nga ang tanan maathagan kon maggwa ang resulta sang autopsy sa lawas sang biktima.
Ang pamaagi kon paano nadisgrasya ang biktima amo karon ang ginapadalman nga mahibaluan.
Ginaaku sang PDEA-6 nga ginpatawag na sadto si Macky sa ila opisina bangod sa report nga may kahilabtanan ini sa paglapta sang ilegal nga druga. Naistorya na sia sang Police Regional Office 6 sa panahon ni Director Jose Gentiles kag nagpaathag kag nagpanindugan sia nga wala sia sang kahilabtanan sa ilegal nga druga.
Sa pihak sang iya pagpanginwala, ginmonitor sia sa gihapon tubtob nga ila natul-id ang bagay kag nakahimu sila sang kumpirmasyon.
Nangin sentro sia sa mata sang kapulisan sa Antique kag luyag siya nga dakpon kag pasabton sa iya mga kahimuan. Ginalagas siya sang mga pulis nga nangin kaupod niya sadto sa operasyon batok sa ilegal nga druga.
Kon naglisa si Macky sa iya banas, ayhan may mga kaupod man sia nga pulis nga iya kaagubay sa pag-usoy sa lisa nga banas?
Kon madamo sia sang nahibaluan sa palakat sang ilegal nga druga sa Antique kag may mga pulis sia nga nakaupod sa operasyon sa pagtukib sini, diin na ang iya mga kaupod nga pulis?
Agud nga malubong ang mga pamangkot kag mga sabat, kag wala na sang tingog nga magalanog, ila nga ginguba ang plaka./PB
[/av_textblock]
[/av_one_full]
