[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON | IPASUNGAW SA DALAN’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
ROBERTO ‘BERT’ LADERA
[/av_heading]
[av_textblock size=” font_color=” color=”]
Monday, June 5, 2017
[/av_textblock]
[av_textblock size=” font_color=” color=”]
nga adlaw, sa duha ka adlaw, nga paghiwat sang transport strike ukon untat-biyahe sang sektor sang transportasyon.
Madugay na nila nga ginpalayag ang ini nga intensyon kag nakahimo na sang angay nga pagpanghanda ang mga gobyerno-lokal lakip na ang mga nasyunal nga ahensya sang gobyerno.
May mga napalastar na ang contingency plan, napreparar ang mga salakyan nga mahimo gamiton agud nga makasugat kag makadul-ong sa mga pasahero sa isa ka lugar nga ginkasugtan nga dira sila sugaton kag idul-ong.
Ginagamit ang tanan nga resources sang gobyerno agud nga indi makatuga sang daku nga huol sa pagdul-ong sang serbisyo sa mga pumuluyo kag agud nga mangin tayuyon ang operasyon sang tagsa ka mga opisina.
Wala man nalingkang ang Department of Education nga ang pagbukas sang klase pagasugataon sang untat-biyahe. Ginrason sang Deped nga nakakalendaryo na ang tanan kag indi mahimo nga matublag ukon masablagan sang sini nga hilikuton nga untat-biyahe ang pagtuon sang mga estudyante.
Apisar sini, ginabilin sang ginikanan kon ila tugutan nga mag-eskwela ang ila kabataan bisan pa nga kulang ang salakyan nga ila masakyan padulong sa eskwelahan kag pabalik sa ila puluy-an.
Bangud sa temprano nga anunsyo, makapreparar ang tanan kag nakahibalo ang tanan sa mangin sitwasyon sa sini nga adlaw.
Nagpalapit man sa gobernador ang PISTON-Panay agud nga magpahibalo sa ila katuyuan kag rason sang sini nga untat-biyahe kag ang paghatag sang kurtesiya sa amay sang probinsya ang isa ka daku nga bagay agud nga mahangpan sila kag matalupangdan sila sa ila ginasinggitan nga kawsa.
Kinaandan na nga ginahimo sang sektor sang transportasyon ang paghiwat sang untat-biyahe sa tion nga may yara sila sang ginapamatukan nga polisiya ukon patakaran.
Nagahugpong sila sa pagpalab-ot sang ila hibubun-ot sa gobyerno bisan pa ang iban sa ila nga kaangay ang wala nagabuylog sa ila ukon daw sa indi apektado sang ila ginaduso nga kawsa.
Nakahibalo kita nga wala na sang iban nga palaagyan para sa ila kundi ang maghiwat sang untat-biyahe bilang pamaagi sa pagpalab-ot sa gobyerno sang ila sentimyento. Bisan pa nga may hinun-anon na, apang kon paslaw kag wala sang maayo nga nadangatan sila ang nagapadulong sa dalan kag nagasinggitan.
Kabahin na ini sang aton pagpangabuhi kag ispirito ini sang demokrasya diri sa aton pungsod.
Aton lamang lauman nga ang wala nagabuylog ang indi pagharugon kag indi man sila mangharog. Respeto sa kawsa kag respeto sa tinuga ang ipabilin sang tanan agud nga ang kinagamo ukon gumuntang ang malikawan.
Himuon naton nga malinong kag madinalag-on ang ini nga lihok agud makabinag-binag ang gobyerno nga hatagan sang malawig nga pagtuon ang ila ginaplano kag maghatag sila sang angay, patas kag indi mabug-at nga solusyon sa ila plano.
Ang tanan nagahandom sang modernisasyon, apang ang paagi dapat nga indi makahalit ukon makatublag sa sektor sang transportasyon. Hatagan sila sang maathag nga plano kag agubayan sa tubtub nga ang plano mahatagan sang katumanan.
Tubtub nga wala sang kasanagan, ang ila hibubun-ot padayon nila nga ipasungaw sa dalan./PB
[/av_textblock]
[/av_one_full]
