[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON | KAHIGAYUNAN’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
ROBERTO ‘BERT’ LADERA
[/av_heading]
[av_textblock size=” font_color=” color=”]
Monday, May 22, 2017
[/av_textblock]
[av_textblock size=” font_color=” color=”]
Madamo na sang mga manunudlo gikan sa pribado nga mga buluthoan ang amat-amat nga nagasaylo sa mga pangpubliko nga buluthoan bangoud man sa higayon nga ila nakita, bangod sa mas mataas nga sweldo kag mas madamo nga benepisyo.
Mas nagdaku ang oportunidad nila nga makasaylo sa pangpubliko nga buluthoan sang nagpa-alinton ang Department of Education nga sila ang magakuha sang madamo nga mga manunudlo sa sini nga school year.
Ginasigahum nga magawalog sang makadali ang operasyon sang mga pangpubliko nga mga buluthoan bangod man sa sini nga mga hitabo apang makabalanse man sila sa gilayon bangod madamo man sang mga manunudlo ang nagapangita sang trabaho kag luyag nga makatudlo.
Napukaw ang akon nga interes sa paglantaw sa sini nga bagay sang akon masugilanon sa kahanginan paagi sa akon palatuntonan, nga Saksi sa Gab-i sa DYSI Super Radyo, si DepEd Assistant Secretary for Legal and Legislative Affairs Tonisito Umali nga nagtuyo ang DepEd nga mag-hire sang 53,000 ka mga manunudlo kon sa diin 20,000 diri ang para sa kinder tubtob sa Grade 10 kag ang nabilin nga kadamuon ang para sa Grade 11 tubtub Grade 12.
Ginpahayag ni Umali nga may pundo nga 543 billion pesos ang ila talatapan kag magluwas sa mga manunudlo, kinahanglan man nila ang kapin sa 13,000 ka mga non-teaching personnel.
Paagi sa daku nga pundo sang DepED, may natalana nga pagatukuron nga 47,000 ka mga hulot-klasehan nga magasabat sa mga kinahanglanon kag kakulangon sang hulot-klasehan sa bug-os nga pungsod kag agud nga malab-ot ang ratio nga 1:40 ukon 1:50 ukon isa ka manunudlo sa 40 tubtob 50 ka mga estudyante sa isa ka hulot-klasehan.
Nahibaluan nga mas ginpataasan sang kapin sa 25 por ciento ang pundo sa sini nga tuig sang DepEd ipa-anggid sa nakaligad nga tuig na yara sa mas o menos 433 billion pesos.
Bangod sa daku nga pundo kag madamo nga manunudlo nga kinahanglanon sang DepEd rason nga ginasigahum ang pagsaylo sang mga manunudlo gikan sa mga pribado nga buluthoan padulong sa pangpubliko nga mga buluthuan.
Ginbuyagyag man ni Umali nga sa karon yara sa Salary Grade 11 ang mga elementarya ukon high school teacher ukon kapin sa 23,000 pesos ang ila sweldo ipa-anggid sa pribado nga mga buluthoan nga yara sa kapin P15,000 ang entry level.
Ginapangitaan na sang sabat sang DepEd ang ini nga isyu sang pagsaylo sang mga manunudlo gikan sa pribado nga buluthoan padulong sa pangpubliko nga buluthoan bangod indi nila luyag nga mahubsan sang manunudlo ang mga pribado nga buluthoan nga ila ginakabig nga katimbang sa paghatag sang edukasyon sa mga estudyante.
Kon magsaylo kay may sayluhan, sigurado nga may mabakantehan gikan sa iya ginhalinan kag mahatagan sang kahigayunan ang wala pa sang pwesto nga naplastaran.
Ihatag naton sa mga manunudlo ang higayon, kon sa diin sila komportable kag kon paano nila mapasanyog ang ila ikasangkol bilang mga manunudlo.
Tugutan naton ang mga manunudlo nga malab-ot nila ang ila ginahandom, ihatag naton sa ila ang daku nga kahigayunan./PB
[/av_textblock]
[/av_one_full]
