PANUGDAON | KAHILWAYAN

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’PANUGDAON | KAHILWAYAN’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
ROBERTO ‘BERT’ LADERA
[/av_heading]

[av_textblock size=” font_color=” color=”]
Monday, June 12, 2017
[/av_textblock]

[av_textblock size=” font_color=” color=”]

 

Natungkad mo na bala ang kahulugan sang kahilwayan? Nabatyagan mo bala ang esensya sini sa imo kabuhi? Mapabugal mo bala ang imo kahimtangan?

Masami naton nga ginapamangkot kon bala naagom na naton ang matuod nga kahulugan sang kahilwayan. Kon ano ang balasehan ukon salandigan sa pagsiling nga hilway na kita. Kon ano nga sahi sang kahilwayan ang aton naaguman, kon sa diin ukon sa ano kita nahilway.

Sa ika-119 ka tuig nga pagsaulog sang Philippine Independence Day sa sini nga adlaw, liwat naton ini nga ginadumdom, liwat naton nga ginahanduraw ang mga tinion sa kon paano naghimakas, nagpakigbatu, nag-uyang sang kabuhi, nag-ula sang dugo, kag nagpailig sang luha kag balhas ang aton mga isganan nga katigulangan lamang nga mapakigbatuan ang mga dumuluong kag mga luyag magsakop sa aton pungsod.

Natib-ong na naton ang aton hayahay, napakilala naton ang aton kadalag-an, gintalupangod na ini sang kalibutan kag sa karon liwat naton nga ginadim-dim ang katam-is sang kadalag-an nga aton naaguman.

Salamat sa mga katigulangan naton nga naghimakas agud nga maagom ang kadalag-an kag kahilwayan. Daku nga sakripisyo ang ila ginhimo para sa aton nga ulihing-tubo. Ang ila dugo ang nagbugto sa kadena sang pagkaulipon. Ang ila singgit ang nagbuka sa kristal sang kasakon nga naglikop sa aton. Ang ila balhas kag luha amo ang naglumos sa mapiguson nga mga dumuluong.

Karon nga adlaw, sa diin na ang makabag-o nga henerasyon? Sa diin na ang mga lamharon nga nagbenepisyo sang mga sakripisyo? Napatudok bala sa ila ang sakripisyo nga ginhimo sang katigulangan? Nahangpan bala nila nga ang hilway nila nga paghulag, paghambal kag pagsulat sang ila pang-ino-ino ang bunga sang mangilo kag nagabiring nga sakripisyo?

Ano bala ang kahulugan sang pagsaulog sang kahilwayan para sa mga ulihing-tubo? Nasandig bala ini sa punto nga wala sang trabaho kag klase sa sini nga adlaw? Nga maka-enjoy sila sa paglagaw kag pagpadulong sa mga lugar kon sa diin ang ila huyog?

Ano ayhan nga sahi sang pagdumdom ang aton himuon agud makasiling kita nga nagapakigbahin kita sa sini nga pagsaulog? Angay man bala nga sundon naton ang kinaandan nga hilikuton sang mga lideres sang aton lokalidad? 

Kahibalo kita ang ang paghimakas sadto kag tubtub subong ang nasandig sa aton nga pag-ulikid sa aton pungsod. Ipakita naton ang aton pagpalangga paagi sa pagkamasinulundon sa kasuguan, maglikaw sa kurapsyon, kag maghimo sang mga aktibidad nga makabulig sa komunidad.

Indi naton matupungan ang nahimuan sang mga katigulangan. Apang, madamo kita sang sarang mahimo agud nga mapabilin naton kahulugan sang kahilwayan. 

Ipakita naton nga indi kita ulipon sang iban nga pungsod, nga kahibalo kita magtindog kag magdesisyon sa aton kaugalingon. Ipakita naton nga may kaugalingon kita nga direksyon sa aton pagpangabuhi nga hilway sa ila impluwensya kag polisiya.

Dapat sakdagon naton ang aton kaugalingon nga produkto, ang aton nga serbisyo kag ang pagpaambit sang aton kaalam kag kinaadman para sa kaayuhan sang aton pungsod.

Hatagan naton sang matam-is nga kahulugan ang ginregalo sa aton sang mga katigulangan, ang aton kahilwayan./PB

 

[/av_textblock]

[/av_one_full]

LEAVE A REPLY

Please enter your comment!
Please enter your name here