Panugdaon ni Matt

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’Panugdaon ni Matt ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Wenceslao “Matt” E. Mateo Jr.
[/av_heading]

[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Importante ang makahatag

sang maayo nga serbisyo

DESIDIDO gid ang Iloilo City Council (Sangguniang Panlungsod) nga patalsikon ang Panay Electric Company (PECO) kag ipa-takeover ini sa gobyerno.

Gintudlo sini ang mga kasaypanan sang PECO, nga galakip sang complaint sang mga 100 ka kunsumidor angot sa “erroneous billings,” kapaltahan sa pagbalik sang over-charging, kag ang kapaltahan sa pagsabat sang nagakalain-lain pa nga reklamo sang mga kunsumidor.

Ang PECO may mga 60,000 ka kunsumidor – residential, commercial kag iban pa – sa ila franchise area sa bug-os nga siyudad sang Iloilo.

Angot sa sining reklamo batok sa PECO, isa ka resolusyon ang gin-aprubahan sang konseho, nga may isa lang ka abstention, sadtong ila regular session sang Martes, Nobyembre 16, “vehemently opposing” ang pagpa-renew sang 25 anyos nga franchise sang PECO sa pag-abot sang 2019.

Gin-athag gid gani sang SP sa ila resolusyon nga ang ila panawagan sa gobyerno amo ang pag-takeover sa PECO nga indi man dayon kundi “until a qualified distributor comes in.”

Ang una naton nga pamangkot diri amo kon bala puede ini mahimo sang gobyerno sa idalom sang aton Konstitusyon kag mga kasuguan.

Puede ini sa idalom sang Power of Eminent Domain sang gobyerno sa ngalan sang public welfare. Sa idalom sining poder, ang gobyerno puede maka-takeover sang mga pribado nga propiedad “for public use”basta bayran lang sang “just compensation” ang tag-iya.

Sa idalom sang Electric Power Industry Reform Act (EPIRA) of 2001, ang Energy Regulatory Commission ang gahatag sing otorisasyon “to operate facilities used in the generation of electricity.”

Ang “(electricity) distribution utility”nga puede makasalu sang obligasyon sang PECO, kon amo gid man ang panugyan sang Joint Legislative Power Commission, nagalakip sang isa man ka private corporation, isa ka local government unit, ang isa man ka government-owned utility, ukon ang isa ka electric cooperative kon puede ini sa idalom sang espesyal nga kasuguan sang National Electrification Authority (NEA).

Kon ang masalu ugaling isa man ka government-owned utility ukon isa ka LGU, ma-problema seguro tungod ang EPIRA law nagapanugyan sang pagpasangkad sang operation sang mga private corporation sa energy.

In fact, ang gobyerno sige ang pag-privatize sang madamo pa nga mga government-owned corporation, lakip na gani ang National Power Corporation.

In other words, ang paghatag sang PECO sa gobyerno labag ini sa polisa kag objective sang EPIRA law.

Ini aton lang personal nga opinion, pero ginatan-aw ko nga ang puede lang pasugtan sang Power Commission amo seguro ang pag-rectify lang sang kakulangan kag “kasal-anan” sang PECO, nga kon mahimo sini puede na man lang ini maka-sige operate.

Puede man nga ihatag ang kabahin sang franchise area sang PECO sa isa ka distribution firm agud duha na sila ang naga-kumpetensyahanay.

Ang mayor nga objective sang EPIRA amo ang pasanyugon ang competisyon agud mapanubo ang power rates, so puede ang “contested market” ukon ang naga-kumpetensya nga mga kumpaniya.

Apang kon daw indi na gid naton matulon ang aton problema sa PECO, puede man ini baklon sang isa man ka private power company.

Well, kon ano man ang aton desisyon, importante seguro nga ang electric company nga tugyanan naton sang aton kuryente amo ang makahatag sa aton sing “satisfactory” nga serbisyo.

Ang improved PECO bala, bag-o nga kumpaniya, ukon buksan ta ang PECO sa kumpetisyon sang isa pa ka kumpaniya diri mismo sa siyudad?

Ti, ano gid ang luyag ta?/PB
[/av_textblock]

[/av_one_full]

LEAVE A REPLY

Please enter your comment!
Please enter your name here