Panugdaon ni Matt | Bad IIonggo hospitality

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’Panugdaon ni Matt | Bad IIonggo hospitality’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Wenceslao “Matt” E. Mateo Jr.
[/av_heading]

[av_textblock size=” font_color=” color=”]
Tuesday, June 6, 2017
[/av_textblock]

[av_textblock size=” font_color=” color=”]

 

 

SAMTANG indi ta gusto pakalainon ang aton Siyudad sang Iloilo, kapin na gid sa publiko, indi ta man ugaling luyag tolerahon ang wala nagakabagay nga pag-tratar sang aton mga bisita nga nagaduaw diri sa siyudad.

Labi na gid kay ginapabando gid naton ang pagpakilala sang aton siyudad bilang City of Love kag City of Hospitable People. In fact, indi lang ini tungod ginapabugal naton ini nga pamatasan halin pa sa aton kalolohan, kundi nagapa-ugwad man ini sa aton.

Ang aton mga bisita nagagastos sang ila kwarta sa ila pagdayon diri, pag-ambit sang manamit naton nga mga pagkaon, kag sa paglingaw sa mga matahum nga talan-awon kag pinasahi nga mga kahiwatan diri sa aton.

Ang ila ginagastos diri nagahatag sang pangabuhian sa aton mga pumuluyo kag nagahatag bugal sa aton bilang isa ka lugar nga dalayawon kag maayo nga puy-an bisan temporaryo lang samtang nagapanglugayawan sila.

Tungod sini, mas gusto ko pa sawayon sa publiko ang indi maayo nga pagtratar sang aton mga bisita, sangsa hipsan ini kag pabay-an na lang.

Ngaa man? Man, ang ining malain nga pamatasan magasagsag pa kon ginapabay-an ta lang, kag sa lugar makabulig pa-ugwad, makapalain pa sa siyudad.

Indi kita luyag matabo ini sa aton siyudad – nga indi mag-ugwad tungod sang indi maayo naton nga pagtatap sa aton mga bisita nga makatulod pa sa ila agud likawan ang pagduaw kag pagtener diri sa aton.

Indi lang ina, ipanugid-sugid pa nila ang indi maayo nila nga eksperyensa diri sa siyudad. Kag pati ang gaplano pa lang magduaw sa siyudad mangita na gid lang sang iban nga lugar nga kadtuan.

 

Ining panugdaon naton ginatumod ta sa masubo nga na-eksperyensyahan sang isa ka mag-asawa halin sa Manila nga tuyo manyaga sa isa ka popular nga restawran diri sa siyudad sadtong Sabado.

Ang ining mag-asawa nga halin sa Manila nag-agda pa gani sang ila mga abyan diri agud manyaga sa sining restawran. Sila pa gani nag-aku sang daku nga gastos sa sining panyaga para sa mga sobra 15 nila ka mga abyan bilang pasalamat sa maayo nila nga pagtratar sa ila.

Pero lain ya ang natabo sa ila sa restawran nga ini. Daw ginbale-wala sila! Naghulat sang ila order ang ining naga-tinagalog pa gani nga mag-asawa, nga nagapahilom nga pangayaw sila, apang sobra isa na ka oras wala pa nag-abot ang ila order.

Natingala pa gani ining mag-asawa kag ila mga abyan nga taga-siyudad kon ngaa nauna pa gin-serbihan ang sa tupad nila nga nag-order man

sang ila panyaga nga ulihi pa sangsa ila.

Sang indi na makapugong sa katingala sang pagbale-wala sa ila, nagkadto na ang asawa agud mangutana sa counter nga gapatigayon sang mga order.

Aba, kag daw wala gani sila kahibalo nga may order ang ining mag-asawa kag ang ila mga abyan. Naakig na gani ang isa sang ila mga abyan nga Ilonggo.

Amo lang to kag naghulag ang counter. Nag-abot gid man ang ila order. Ang siste pa kay sang mag-order sila sang dugang nga kan-on 30 minutos na wala pa kaabot ang ining order. Nag-abot gid lang ini sang nagreklamo na ang ila mga abyan nga nangayo sang kan-on.

Kag abe ninyo, wala man lang sila mangayo sang pasaylo sa ila kapalpakan. Bisan “sorry” wala gid! Sus, daw wala tinun-an nga mga tinawo! Ini bala ang gintudlo sa ila sang management kon ano ang magserbi sa mga bisita? Por Diyos por Santo!

Kon amo sini ang pag-serbisyo ta sang aton mga bisita diri sa siyudad, kapin pa kay ang restawran isa ka daku kag popular nga restawran, sin-o abi nga pangayaw ang luyag magbalik diri sa aton?

 

Of course, basi isolated lang ini nga hitabo sa isa man lang ka restawran.

Ang problema lang kay madamo nga mga tawo ang nagapati sa “first impression” kag indi na magbalik diri sa aton kundi magpatupling na gid lang sa Negros, Cebu ukon sa iban pa gid nga lugar sa diin maka-enjoy man gihapon sila.

Ano abe sa inyo, Junel kag Helen?/PB

.

[/av_textblock]

[/av_one_full]

LEAVE A REPLY

Please enter your comment!
Please enter your name here