Panugdaon ni Matt | Paalam ‘James Bond’

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’Panugdaon ni Matt | Paalam ‘James Bond’ ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Wenceslao “Matt” E.Mateo Jr.
[/av_heading]

[av_textblock size=” font_color=” color=”]
Thursday, May 25, 2017
[/av_textblock]

[av_textblock size=” font_color=” color=”]

ISA ako sa mga nasubuan sa pagtaliwan ni Sir Roger Moore, nga isa sang mga ginakilala nga James Bond sa pelikula. Nagtaliwan siya sang nagligad gid lang nga Mayo 23 sa balatian nga cancer sa edad nga 89.

Gindugang ang “Sir” sa iya ngalan sang padunggan (knighted) siya ni British Queen Elizabeth II sang 2003 tungod sa iya “services to charity.” Goodwill ambassador si Moore sang UNICEF sumugod sadtong 1991.

Mahuyog ako sa mga adventure movies. Kag isa ako sang fan  ni James Bond, aka Agent 007, sa diin isa si Moore sa mga mas nagustuhan ko magdala sang papel nga Gentleman Agent 007, nga katulad ni Sir Sean Connery knighted man sang British crown. Binuslan ni Moore si Connery sang mag-retire ang naulihi sadtong 1972.

Tanan nga pitu ka pelikula ni Moore naubos ko gid tan-aw – Live and Let Live (1973), The Man with the Golden Gun (1974), The Spy who Loved Me (1977), Moonraker (1979), For Your Eyes Only (1981), Octopussy (1983), kag ang A View to Kill (1985).

Subong man ang mga pelikula ni Connery – Dr. No (1962), From Russia with Love (1963), Goldfinger (1964), Thunderball (1965), You Only Live Twice (1967) kag ang Diamonds are Forever (1971).

Madali ako malingaw sang mga pelikula nga puno sing aksyon nga may dala diutay (sizzling gani, sa matuod) nga romansa, although lousy ako nga lover sa publiko. Mas gusto ko pa isipon sang iban nga isa ako ka intellectual nga daw wala kuno luyag sa chicks bisan sa matuod gapasiplat man kag nagabatyag sing tagu. Kon romantiko gid man ako, ina sa pribado lang upod sang pinalangga ko. Basi malutos ko pa gani si James Bond sa aktuwal! He-he-he!

Lousy ako nga lover, matuod, sa hayag. Daw indi gani ako kahibalo mangaluyag. Indi ako gani kahambal “I love you” sa babaye. Ginapahilom kag ginasulat ko lang ang akon balatyagon. Ina tungod seguro manunulat ako, kag mas maayo ako maka-expresar sang akon balatyagon sa pahilom lang kag sa sulat.

May ara gani ako naluyagan nga klasmit ko sa high school. Nagsugod ako ma-attract sa iya sang third year kami. Ay sus, hasta lang ako pasiring tubtub nga nag-gradwet kami kag dugay nga wala magkit-anay.

Nabalitaan ko na lang sang ulihi nga nag-eskwela siya abogasya sa Manila. Nagbisita pa ako sa iya sang magpauli siya sa Iloilo sang ginsugiran ako sang iya magulang nga lalaki, nga daw nakahilom nga naluyag ako sa iya utod. Ambot a, hasta lang ako gihapon istorya sang wala diri kag wala didto.

Nangin-abogada siya kag nahibal-an ko na lang nga nagtaliwan siya tungod sa breast cancer. Napatay siya nga gapabilin nga laon, nga wala man lang ako ideya kon naluyag man siya sa akon ukon wala.

May pila pa gid ka okasyon nga nagtilaw ako handom sa pagpangaluyag sa babaye. Ang isa sini sa ila kahibalo sang akon balatyagon sa iya paagi gid lang sa komiks. Gapungko kami sa bangko nga nagauyat ako sang komiks sa Pilipino. Pinakita ko ang dinalan sa isa ka istorya nga nagasiling: “Iniibig kita!”

Ambot kon naka-intiendi yadtong babaye sa luyag ko hambalon ko sa iya. Pero, nagyuhom gid lang siya nga wala man lang namangkot sa akon kon ano gid ang luyag ko hambalon sa iya tubtub wala na kami nagkit-anay.

Sang ulihi, nangisug na gid man ako kag nagsulat. Gin-ipit ko ang akon sulat sa babaye sa isa ka daw libro kag maglakat nga wala makalisensya. Pila ka adlaw pa ako nga nakaduaw sa iya.

Pinamangkot niya ako kon ano atong sulat ko. Gin-aku ko ang akon balatyagon sa iya. Kag dira nagsugod ang historia de un amor ko. Kag siya gid man ang napangasawa ko – si Mrs. ko karon./PB

 

 

 

 

 

[/av_textblock]

[/av_one_full]

LEAVE A REPLY

Please enter your comment!
Please enter your name here