Panugdaon ni Matt | Sin-o ma-pirma sa reading card kon wala ang tagbalay?

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’Panugdaon ni Matt
Ni Wenceslao “Matt” E. Mateo Jr.’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”][/av_heading]

[av_textblock size=” font_color=” color=”]

Sin-o ma-pirma sa reading
card kon wala ang tagbalay?

APRUBADO na ang Meter Reading Card Ordinance sang Siyudad sang Iloilo.

Nangin epektibo ini sadtong Hulyo 10, 2017 pagkatapos nga na-publikar sa isa ka pamantalaan diri mismo sa siyudad, sunu man sa Section 12. Effectivity Clause sang ordinansa.

Ining ordinansa ginpasar sang konseho sang siyudad sadtong Hunyo 13, 2017.

Ang Panay Electric Company ugaling ginhatagan sa Section 9. Transitory Provision sang anom (6) ka bulan sa pagpatuman sang ordinansa halin sa pag-aprubar sini.
Sunu kay Konsehal Joshua Alim, nga nag-otor sini, ginpasar ining kasuguan agud madula ang mga pangduha-duha sa kon ano gid ang matuod nga konsumo sa kuryente sang mga konsumidor, nga nangin problema kag masami gina-reklamo sang mga pumuluyo sa madugay na nga panahon.

Ining ordinansa naga-requirer sa PECO sa paghatag sa kada balay sang konsumidor sang isa ka “protected hard card” sa diin igabalhag sa kada bulan ang ila konsumo kag iban pa nga balayran.

May penalidad ang kon sin-o mag-violate sang ordinansa – ang PECO, ang konsumidor, ukon sin-o man nga mag-violate sang ginasaad diri.

Ang masunod amo ang mga penalidad:
Sa PECO, sa indi pagpatuman sang iya obligasyon sa ordinansa – Php 3,000 sa First Offense kada konsumidor; Php 5,000 sa 2nd Offense kada konsumidor; kag Php 5,000 kag pagka-priso sang isa tubtub tatlo (3) ka bulan kag isa ka adlaw lakip ang pag-kanselar sang permit to operate.

Sa kay sin-o man nga mag-tamper ukon mag-destroy sang card – Php 5,000 kag/ukon isa tubtub tatlo (3) ka bulan kag isa ka adlaw nga pagka-priso sa diskresyon sang korte.

Manabat sang mga violation ang presidente sang PECO sa bahin sang kumpaniya kag kon sin-o man ang mag-tamper ukon mag-destroy sang card.

Ginapadumdum man sang ordinansa ang pagtuman sang Article 11 sang Magna Carta for Residential Consumers sa pagbutang sang electric meter sa indi magtaas sa 3 ka metro (sobra 9 ka tapak ini) kag indi mag-manubo sa 1.52 ka metro halin sa duta.

Ang PECO gina-requirer pa gid sa paghatag sang advance notice sang schedule sang paghiwat sang meter reading, nga himuon sang tinawo sang PECO nga may masaligan nga nagabantay halin sa tagbalay ukon si sin-o man nga otorisado.
Ang pagpatuman sining ordinansa ginatugyan sa Business Permit & Licensing Office (BPLO) sa bulig sang City Legal Office kag Iloilo City Police Office.

-0-0-0-
Sa matuod, maayo ini nga ordinansa kay nagapaseguro sang ensakto nga reading sang konsumo sang konsumidor para sa nagakaangay nga mga balayran.

Ugaling may nakita kita nga problema sa pagpatuman sining ordinansa.

Sunu sa ordinansa, kinahanglan may testigo ang pag-reading kag pagbalhag sang reading sa meter reading card.

Wala masiling sa ordinansa kon sin-o ang otorisado sa pag-testigo sa pag-meter reading nga ang electric meter yara sa 3 ka metro sa ibabaw nga kinahanglan sakaon. Bisan sin-o lang nga “masaligan”? Ano ang kwalipikasyon sining “masaligan” nga testigo?
Kay ang reading card ibutang gid sa balay sang konsumidor, ano na lang kon wala ang tagbalay ukon sin-o man nga tugyanan niya?
Kay sa aton binatasan, kag sa kasuguan, indi ang isa ka tawo makasulod sa balay sang iban nga wala makalisensya, paano ang tinawo sang PECO maka-record sang reading sa card, nga natural lang nga may pirma ukon inisyal sang tinawo sang PECO agud ma-validate ang reading? Balikon lang sang meter reader ang tagbalay agud ma-record ining reading? Kag kon indi abe makaabot sa billing schedule ang pag-validate sang reading, hulaton gid bala ang pag-abot sang tagbalay agud mabalhag ang reading para matagaan sang billing ang konsumidor?
Kon sa akon lang, maayo seguro nga may option ang tagbalay kon wala siya kag iban nga myembo sang panimalay agud ma-validate ang reading sa reading card.

Ining option amo ang pagtawag sang ila reading sa telepono, ukon i-email man sa PECO pag-abot sang natalana nga petsa sang opisyal nga reading, nga ma-testiguhan sa upisina sang barangay.

Indi gani, tagaan otorisasyon sang tagbalay ang PECO agud magamit ang reading nga na-testiguhan bisan wala pa ini mabalhag kag ma-validate sa reading card sa balay sang tagbalay.

Tani man ma-install na ang smart meter agud automatic na ang tanan./PB
[/av_textblock]

[/av_one_full]

LEAVE A REPLY

Please enter your comment!
Please enter your name here