[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON
NI ROBERTO ‘BERT’ LADERA’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”][/av_heading]
[av_textblock size=” font_color=” color=”]
IKADUHA NGA SONA
Komportable nga kabuhi para sa tanan.
Ini ang angay nga lauman kag ginapasalig nga mangin tema kag kaundan sang pagahiwaton nga ikaduha nga State of the Nation Address (SONA) ni Presidente Rodrigo Duterte.
Madamo sang mga pulitiko ang nagapamalibad sa paghatag sang ila tagsa ka opinyon kon ano ang dapat nga lauman sa igapahayag sang presidente bangod indi mapaktan kon ano ang mahimu niya nga igabungat.
Indi nila mapaktan ang mangin topiko ukon mga bagay nga hatagan pagtamod sang presidente sa iya nga pamulong-pulong bangud nga mismo ang Malakanyang ang indi makapat-od sang lubos sa kon ano ang igahambal sini.
Kahibalo ang tanan kag naanad na nga bisan may ginsulat para sa iya nga topiko nga isa pagabasahon sa iya pamulong-pulong apang sa masami bahin lang ang iya ginapudyot diri kag mas labaw ang iya kaugalingon nga paghambal, luyag niya nga magpahayag sang mga bagay nga gikan mismo sa iya panghuna-huna kag balatyagon.
Ginabulubanta nga may kapin sa tres mil ka mga tawo ang ginalauman nga magatambong sa plenary hall sang Batasang Pambansa, kag ang mga bisita pagalakipan sang mga pulitiko, nga katapo sang gabinete, mga huwes sang Korte Suprema, mga katapo sang diplomatic corps, mga anay presidente, kag iban pa nga mga espesyal nga bisita.
Lauman nga indi magtambong si anay Presidente Benigno Aquino III, kaangay sa indi niya pagtambong sang nagligad nga tuig.
Mangin simple lamang ang mangin panapton sang mga magatambong kag santu sa kasuguan, Filipiniana ang pagasuksukon sang mga senador kag mga kongresista.
Sa kinaandan, ang pamahaw mangin simple lamang kag wala sang makahulubog ukon ilimnon nga may alkohol nga igaserbe sa mga magatambong.
Magasugod ang pamulong-pulong takna alas kwatro sang hapon kag lauman na nga ang mga magatambong magapungko na umpisa alas tres sang hapon.
Sa sini nga aga, takna alas 10:00, mangin handa na ang plenaryo sa pagsugod sang 17th Congress.
May posibilidad nga mamitlangan sang presidente ang krisis sa Marawi, ang tuhoy sa Bangsamoro Basic Law, ang reporma sa buhis, kag ang away sang gobyerno batok sa druga kag kurapsyon.
Nagmuno si Presidenatial Spokesperson Ernesto Abella nga nagahanas na ang presidente sang iya nga pagpamulong-pulong nga wala sang teleprompter bangud sang nagligad nga tuig iya namunuhan nga nabudlayan siya nga magsunod sa kon diin na kutob ang iya nga ginabasa kag ang nagapadihot sang teleprompter ang indi makakalkulo kon diin na dapit ang ginabasa sang presidente.
Ginakonsiderar man ang pag-hire sang mga interpreters agud mahangpan sang mga diplomats ang Presidente kon maghambal siya sa pulong nga Filipino ukon Bisaya.
Maga-amba sang “Lupang Hinirang’ si Monaliza Adam Mangelen, nga staff member sang Human Resrouce Management Service sang House of Representatives, Gikan siya sa Isulan, Sultan Kudarat kag kabahin sang Maguinadaoan tribe.
Mas lauman pa gid ang pagsuksok ni Duterte sang daan nga barong nga una na niya nagamit sa mga nagliligad nga okasyon.
Magatambong man ang mga katapo sang pamilya Duterte lakip ni si Davao City Mayor Sara Duterte-Carpio.
Lauman ang pagtutok sang mga Filipino sa ikaduha nga SONA./PB
[/av_textblock]
[/av_one_full]
