[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Goodbye, Bombay!’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=’custom’ color=’#0a0a0a’]
Thursday, January 12, 2017
[/av_textblock]
[av_textblock size=” font_color=’custom’ color=’#0a0a0a’]
GINMANDO na ni President Rodrigo Duterte ang pagtapos na sang operasyon sang mga Bombay (Indian) diri sa pungsod nga naga pa-5-6. Ini amo ang klase sang pautang nga sa tagsa ka lima ka libo ka pesos, ibalik ini sang anom ka libo ka pesos sa sulod sang isa ka bulan.
Kabaylo sini nagpain sang inisyal nga P1 billion si Duterte para sa micro-financing sang mga magagmay nga negosyante sa palibot sang pungsod. Ang Department of Trade and Industry (DTI) ang magauyat sini nga pondo.
Ang pamangkot san-o matupa ang micro-financing? Paano makapulos diri ang ordinaryo nga sidewalk vendor, manug-isda, manug-utan kag bisan ang mga manug-trisikad? Base waay na ang mga Bombay nga utangan, waay man ang pangako nga budget? Base estorya lang naman, kag sa ulihi mangita man sang alibi ukon balibad?
Kun madayun ini nga plano sang President, dalayawon ini. Dako ini nga bulig para sa mga magagmay nga negosyante agud makapadayun sa ila matarong nga palangabuhian.
Sa malawig nga panahon ang mga Bombay ukon ang mga loan sharks ang dalangpan sang mga magagmay nga negosyante nga indi makasarang maghatag sang potika ukon collateral kabaylo sang utangon nga kwarta. Apisar nga dako ang ginakuha nga saka sang mga Bombay bisan paano nakabulig ini sa mga magagmay nga negosyante bangud may dalangpan sila kun nagapamigado na.
Ngaa bala nagadangop sa mga Bombay ang mga negosyante? Ini bangud mahapos ang pag utang sa Bombay kag nabase lang sa pagsalig sa isa kag isa. Bisan pa nga ginabuyayaw man sila kun kaisa sang mga Bombay kun indi makabayad sang ila adlawan nga hulog. Wala man nagasukot sang surcharge ang Bombay kun madelay ka sang bayad.
Sa karon nga nakitaan sang paglapas sa kasuguan ang mga Bombay, possible nga mauntat na ang ila pautang ano man nga ti-on. Posible pa sila mapa-deport ukon makasuhan. Ginabanta nga kapin sa 50,000 ka Bombay ang nagapautang sa pungsod. Kun ang kada isa may 50 lang ka ginapautang nga negosyante, hamakon mo ang kantidad nga nagalibot sa pungsod nga wala sang tax gikan sa gobyerno. Kun sundon madamo gid man sang ginlapas nga kasuguan ining mga Bombay.
May mga impormasyon nga naggwa karon nga indi lang Bombay ang nagapautang subong. Bisan ang mga Pakistani nagasulod naman sini nga negosyo bangud halos ginapabay-an lamang sila.
Ini tanan nagakatabu bangud ginahingalitan nila ang kahuyang sang mga imol. Apang sa plano nga ini sang Presidente nakakita sang kadampig ang mga magagmay nga negosyante nga Filipino.
Duna sa aton tanan ang magpangutang bangud kita ginakulang sang aton income. Negosyante ka man ukon empliyado, indi madula ang pagpangutang. Kita nga mga imol nagapangutang agud makatibawas sa matag-adlaw nga kinahanglanonā¦Samtang ang mga manggaranon, nagapangutang agud mapadako pa gid ang ila negosyo.
Ti-on na nga ang pagpangutang sang Filipino makapauswag sa ila sa pangabuhi. Ini nga ang utang amo pa ang magbutong sa ila sa kagutom.
PS: Malipayon nga pagbasa kay Glen Remotin sang City Admin, kag Maāam Solcar Faldas sang Tapaz Central School nga subscriber sang Panay News kag sa technical men sang Iloilo City Sanggunian./PN
[/av_textblock]
[/av_one_full]
