[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ Problema sa squatter wala sang katapusan’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=’custom’ color=’#0a0a0a’]
Saturday, February 18, 2017
[/av_textblock]
[av_textblock size=” font_color=’custom’ color=’#0a0a0a’]
SANG una squatter…subong informal settler na ang tawag. Ginpatahum ang ngalan kay siling sang mga expert sang tinaga nga squatter “politically incorrect.”
Sa bug-os nga Pilipinas, problema gid ang mga informal settlers. Minilyon ka panimalay ang ara sa danger zones, ara sa duta sang gobyerno ukon duta sang pribado nga tawo. Sa diin ka man nga bahin sang Pilipinas, ara gid ang mga informal settlers.
Diri sa syudad sang Iloilo, daku man ini nga problema sang gobyerno. Ang talatapan ni Mayor Jed Patrick Mabilog nagapangatubang sang madamo nga problema angut sa pagpabalay kag relocate sang mga informal settlers. Una, ang hinali nga pagpahalin sa ila tuga sang court cases, mga apektado sang proyekto sang gobyerno, ara sa danger zones, kakulang sang duta para sa relokasyon, propesyunal nga squatter, kag anomaliya sa pagkilala sang beneficiaries kag pagpanagtag sang duta.
Ang syudad sang Iloilo nagtukod sang Iloilo City Urban Poor Affairs Office (ICUPAO) agud mag-focus sa problema sang mga informal settlers.
Ini ang mga kabangdanan nga indi matapos-tapos ang problema sa squatters. May mga problema nga nasabat na sang syudad pero gina palala ini sa gihapon sang mga propesyunal nga squatters kag balingag nga mga tinawo sang ICUPAO.
Sang 2016, ginpahamtang bilang bag-o nga chairman sang opisina si Engr. Jeck Conlu. Katuyuan sini nga makahimo sang mga pagbag-o sa system sang opisina. Pinakauna nga drastic move ni Conlu amo ang suspension sang awarding sang relocation sa mga beneficiaries. Suno kay Conlu, may nakita sila nga problema sa validation sang mga beneficiaries. Madamo man sang mga relocation nga wala gin estaran sang beneficiaries. Simple nga rason, mabudlay para sa mga natungdan nga beneficiaries.
Ang problema abi kay sila na ang ginabuligan nga makabalay, sila pa ang nagapakatig-a. May iban pa nga ginahingalitan agud makwartahan ang programa sang gobyerno.
Ini nga problema mas ginpadako pa gid kay may iban nga empliyado sang ICUPAO nga indi man maayo ang panimuot sa ila trabaho. May mga palusot, may mga pabor kag madamo pa nga stratehiya agud malutsan ang husto nga proseso.
Ini nga problema indi matapos samtang may informal settler nga indi cooperative sa gobyerno kag may balingag nga empliyado sang ICUPAO.
Dapat manilhig na gid sa ICUPAO. Samtang ang ICUPAO dapat maninlo man sa ila opisina.
Panghangkat ini sa pamunuan ni Engr. Conlu./PN
[/av_textblock]
[/av_one_full]
