PULIS GINTIRO-PATAY SA DUMANGAS

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’PULIS GINTIRO-PATAY SA DUMANGAS’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]

[av_textblock size=” font_color=” color=”]
Monday, May 22, 2017
[/av_textblock]

[av_textblock size=” font_color=” color=”]

Syudad sang ILOILO – Wala gid natabangan ang pulis nga ginapahayag gintiro sa Barangay PD Monfort North, Dumangas, Iloilo alas-6:25 sang gab-i sang Sabado.

Dead-on-arrival sa Dumangas District Hospital si SPO1 Sherwin Arondain y Alfaro, 42, kag residente sang Brgy. Lagubang, Barotac Nuevo, Iloilo, kag assign bilang field training officer sang Mandurriao Police Station. Nakaagom ini sang mga pilas sa nagkalain-lain nga bahin sang iya lawas.

Sa imbestigasyon sang Dumangas Municipal Police Station (MPS), nagasakay ang biktima sa iya motorsiklo halin sa balay ni Erlinda Dolce sang Brgy. PD Monfort North, Dumangas matapos nga nagpamista didto sang nakalabay sa atubang sang balay ni Ofelia Decastillo.

Nataboan nga may naga-inom-inom nga grupo sang kalalakinhan sa balay sang pamilya Decastillo rason nga nagdulog ang biktima kag nagpanaog sa motorsiklo.

Pero gulpiyada lamang nagpalapit sa iya ang duha ka mga persona kag gin-istorya sia.

Makaligad ang pila ka minutos, nakit-an naman ang biktima nga naga-istorya sa isa ka lalaki nga nagasuksok sang duag pula nga ball cap, maong nga pantalon kag wala sang ano man nga rason, sunu sa mga testigo, gintiro sini sang wala nadeterminar nga sahi sang armas ang biktima rason nga natumba ang naulihi sa duta.

Nagpalagyo man ang gunman matapos ang krimen pero sa bulig sang mga testigo, nadakpan ini alas-8:45 sang gab-i sa Barangay Tubungan, Barotac Nuevo, Iloilo. Ini amo si Rolly Lete y Peno alyas Batik, 41, kag residente sang Brgy. Tubungan, Barotac Nuevo, Iloilo.

Natalana man nga ipa-idalom sa paraffin test ang suspetsado matapos nga nakit-an ang tinulo sang dugo sa idalom nga porsyon sang dilargo sini.

Sa interbyu naman sang nga katapo sang media sa suspetsado, ginapanginwala sini ang kahilabtanan sa krimen.

Sunu sa iya, nagpadulong lang sia sa Dumangas para magpamista kag wala man sia sang rason para patyon ang pulis.

Samtang, narekober naman sa paghinakop sang biktima ang isa ka magazine sang caliber .45 nga may pito ka mga bala.

Sa karon, padayun pa ang imbestigasyon sang Dumangas MPS sa nagluntad nga krimen./PB

 

[/av_textblock]

[/av_one_full]

LEAVE A REPLY

Please enter your comment!
Please enter your name here