SOLTERITO NALUMOS SA BAYBAY

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’SOLTERITO NALUMOS SA BAYBAY’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni RESEL JOY TIANERO
[/av_heading]

[av_textblock size=” font_color=” color=”]
Saturday, May 13, 2017
[/av_textblock]

[av_textblock size=” font_color=” color=”]

 

Syudad sang ILOILO – Patay na sang nasapwan ang 16-anyos nga solterito nga biktima sang pagkalumos sa Dumangas Port sa Barangay Sapao, Dumangas, Iloilo kahapon sang kaagahon.

Ginpahayag ni Lieutenant Commander Ramil Palabrica sang Philippine Coast Guard (PCG) – Iloilo nga nagpaligo sa baybay sa Dumangas Port sang Huwebes ang biktima nga si Jay-R Palma, taga-Sitio Victorias, Brgy. Sapao, Dumangas.

Sunu naman sa isa ka manogbaligya sa port nga si Rustom Cortez, nakita niya si Palma nga naglumpat sa port mga alas-11 sa aga kag gintinguhaan man niya nga salbaron ini pero nalumos gid ini bangod sang mabaskug nga koryente sang tubig.

“Nangayo bulig sa amon si Cortez kag nag response man kami dayon pero waay na kay nag sarorot na dayon kay tama ka grabe ang current sa dalum sang tubig,” siling ni Palabrica.

Gindugang pa niya nga gilayon man nga ginpadala sang Coast Guard Sub Station (CGSS) Dumangas ang ila Deployable Response Team (DRT) kag ginpangita si Palma halin sa Sitio Nalu-oyan pakadto sa Siete Picados kag Sitio Bu-ol sa Brgy. Dacutan, Dumangas pero wala gid nila nakita.

Naghiwat man sang underwater Search and Rescue (SAR) operation ang Coast Guard Special Operations Group sa baybay pero wala gihapon nakita ang biktima. Sang ulihi, temporaryo nila nga gin-untatan ang SAR operation bangod sang “poor visibility” kag nakig-angut na lang anay sa malapit nga mga coastal barangays agud nga makita na ang biktima.

Takna ala-1:20 kahapon sang kaagahon sang nakabaton sang report ang CGSS Dumangas gikan sa Quarter Master of LCT 988 nga may nakita nga nagalutaw-lutaw nga tawo sa bahin sang Dumangas Port.

Positibo naman nga ginkilala ni Jenny Palma nga bangkay sang iya bata nga si Jay-R Palma ang nasapwan.

Sunu naman sa amay sang biktima, may diperensya sa paminsaron ang iya bata./PB

[/av_textblock]

[/av_one_full]

LEAVE A REPLY

Please enter your comment!
Please enter your name here