Transport strike ikasar sa Lunes

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’Transport strike ikasar sa Lunes’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]

[av_textblock size=” font_color=’custom’ color=’#0a0a0a’]
Saturday, February 25, 2017
[/av_textblock]

[av_textblock size=” font_color=’custom’ color=’#0a0a0a’]

Syudad sang ILOILO – Indi na mapunggan ang lapnagon nga transport strike kag “welga ng bayan” sang mga transport groups sa Kabisay-an Nakatungdan (KN) sa maabot nga Lunes.

Masugod ini sang alas-sais sa aga kag magalawig tubtob alas-sais sa gab-i.

Ginkasugtan sang Iloilo City Loop Alliance of Jeepney Operators and Drivers Associations (ICLAJODA), Pinagkaisang Samahan ng mga Tsuper at Operator Nationwide (Piston) Panay kag sang iban pa nga mga transport groups nga mga miembro sang Western Visayas Transport Coalition nga sa Lunes na patigayunon ang transport strike para ipakita ang ila pagkontra sa himuon nga pag-phase-out sa mga salakyan ilabi na sa de-pasahero nga dyep nga naga-edad 15 anyos pasaka.

Sunu kay Raymundo “Boyet” Parcon, presidente sang ICLAJODA, nahangawa ang mga transport groups nga kon mapatuman ang pag-phase-out, masobra 600,000 ka mga unit sa bug-os nga pungsod ukon 12,000 sa KN ang maapektohan.

Gindugang pa ni Parcon nga lakip sa mapasakop sa transport strike amo ang mga grupo sang Bayan Muna, Gabriela, KARAPATAN, kag mga estudyante sang University of the Philippines-Visayas. Maupod man ang pila ka mga kompanya sang bus, taxi kag van.

Gusto gid sang ICLAJODA nga madamo sang maupod sa transport strike para makakuha sang atensyon sang gobyerno ilabi na sang opisina sang Department of Transportation nga amo ang nagpapanaog sang mando nga pag-phase-out sang mga tigulang na nga salakyan.

Luwas sa pag-phase-out, dal-on man sa kawsa sang grupo ang panawagan nga ibasura ang pagpatuman sang excise tax kag Joint Administrative Order. Ipanawagan man nila ang pagpasaka sang plete sa de-pasahero nga mga dyep kasunod sang pagmahal sang mga balaklon kag presyo sang krudo.

Angut naman sini, ang Land Transportation Franchising and Regulatory Board (LTFRB) 6 nagtalana na sang public hearing sa Marso 13, alas-dos sang hapon, para sa hinyo sang transport groups nga P.50 nga saka sa plete.

Luyag sang LTFRB-6 nga kuhaon ang sentimiento sang publiko kag sang transport group antes i-endorso sa ila central office ang petisyon sang ICLAJODA nga saka sa plete.

Kon wala sang magpamalabag, makahimu gilayon sang endorsement ang LTFRB-6 sa central office./PB

[/av_textblock]

[/av_one_full]

LEAVE A REPLY

Please enter your comment!
Please enter your name here