WALA ROBBERY SYNDICATE SA SYUDAD – ICPO

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’WALA ROBBERY SYNDICATE SA SYUDAD – ICPO’ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’18’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]

[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
February 9, 2018
[/av_textblock]

[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Wala nagapati ang Iloilo City Police Office (ICPO) nga may dalagku nga grupo nga nagapangawat sa sining syudad.

Sunu kahapon kay Senior Inspector Shella Mae Sangrines, tagpamaba sang ICPO, lunsay man lang diutay nga kantidad ang nataban sang mga kawatan base sa rekord nila sang mga kaso sang robbery kag theft.

“There is no such thing nga may sindikato. Ang ila ya kon may opportunity lang regardless kon pila ang amount,” dugang ni Sangrines.

Sa pihak sini, ginatutokan gihapon subong sang ICPO ang mga kaso sang robbery kag theft sa syudad ilabi na sa mga establisimiento komersyal.

Ginpahayag ni Sangrines nga bisan nasolbar ang mga kaso sang kinawatay sa syudad, gusto gihapon nila nga mangin mahinalungon ang mga tag-iya sang mga establisimiento paagi sa pagpasangkad sang safety measures.

“As of today ang major concern sang ICPO is about sa mga theft cases kag mga robbery cases especially sa mga establishments. Although we commend sa mga beat patrollers kag station concerned halos arestado man kag solved ang mga theft cases ta. But we would like to emphasize sa mga pumuluyo kag tag-iya sang establishments nga dapat magdugang sila sang safety measures,” siling ni Sangrines.

Partikular nga gintumod niya nga himuon sang mga establisimiento amo ang pagbutang sang dugang nga kandado sa puertahan sang ila balaligyaan para indi dayon makasulod ang kawatan.

Magluwas pa ini sa gwardiya nga nagabantay.

Nagapati si Sangrines nga kon ma-atrasar ang pagsulod sang kawatan sa isa ka establisimiento, posible nga makatuga ini sang gahod kag makapabugtaw sa gwardiya nga nagakatulog nga mangin dalan naman para makapangayo ini gilayon sang bulig sa mga pulis.

Luwas sini, gina-monitor sang intelligence unit sang kada istasyon sang pulis sa syudad ang ila tagsa ka rogues gallery para mabal-an kon sin-o sa mga ini ang yara sa gwa sang prisohan nga posible makahimu sang krimen.

Gin-athag man sang ICPO nga indi maka-alarma ang insidente sang kinawatay sa syudad pero indi gid dapat magkumpiyansa ang publiko kag manginlaman gid pirme.

“Actually, ini man alarming. It’s only that subong ang aton sitwasyon wala man sang significant nga nagakatabu sa city and although ini nga krimen indi sia alarming pero indi ta pag-allow nga magsige-sige na sia. We are doing our best nga ma-stop ni,” hambal pa ni Sangrines.

Bangod sini, padayun ang pagpasangkad sang ICPO sang police visibility sa mayor nga mga dalanon sa syudad para makaresponder dayon ang kapulisan ingkaso kinahanglan ang ila bulig sang mga establisimiento kag pumuluyo./PB
[/av_textblock]

[/av_one_full]

LEAVE A REPLY

Please enter your comment!
Please enter your name here