[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’2 KA MOTOR NAGSAG-IRANAY, 2 PATAY’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Tuesday, June 27, 2017
[/av_textblock]
[av_textblock size=” font_color=” color=”]
Syudad sang ILOILO – Ginbawian sang kabuhi ang duha ka drayber sang motorsiklo matapos nga nagsag-iranay sila sa national road sa Barangay Alabayog, Sara, Iloilo alas-cinco sang hapon sang Domingo.
Dead-on-arrival sa Sara District Hospital ang drayber sang Raider nga motorsiklo nga si Jonathan Faren y Batislao, 53, kag tumandok sang Brgy. San Vicente, Palawan apang temporaryo nga naga-istar sa Brgy. Alibayog, Sara. Nakaagom sia sang patal nga samad sa ulo kag isa pa sa wala nga tiil.
Pag-abot naman sang alas-8:40 sang Domingo sang gab-i, napatay man ang drayber sang Baja nga motorsiklo nga si Salvador Sioquim, 44, kasado kag residente sang Brgy. Milan, Lemery, Iloilo, bangod sang patal nga pilas sa ulo.
Sa interbyu sang Panay Balita kay PO2 Francis John Aricaya, imbestigador sang Sara Police Station, gina-usoy sang Baja ang dalan sa Poblacion, Sara padulong sa Brgy. Alibayog sang nasag-iran sini ang Raider nga naga-usoy naman sang baliskad nga direksyon.
“Ang Baja naga-usoy sang dalan from Sara Proper to Brgy. Alibayog, Sara going to Milan, Lemery. So, paglab-ot dira sa Alibayog, Sara which is national highway nakasang-itay sila sang nasugata ya nga motor nga Raider nga ginamaneho ni Faren,” eskplikar ni Aricaya.
Bangod sang mabaskug nga impact, nawigit sang iya motorsiklo si Faren samtang natumba naman si Soquim.
“Pagsag-iranay, nagtalabog ang duha sa ila motorsiklo,” dugang ni Aricaya.
Nagapati man ang pulis nga madasig ang pagmaneho ni Faren bangod nga kapin 70 metros gid ang gintabogan sini halin sa iya motorsiklo.
Natukiban man nga wala sang ginasuksok nga helmet ang duha ka drayber sang nagluntad ang aksidente./PB
[/av_textblock]
[/av_one_full]
