[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’48 brgys sa WV ideklarar drug-cleared’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
February 5, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Ginatapos na lang sang Philippine Drug Enforcement Agency (PDEA) 6 ang assessment sa 48 ka mga barangay sa Western Visayas (WV) para madeklarar na ang mga ini nga drug-cleared.
Ining 48 ka mga barangay ang gikan sa mga banwa sang San Rafael kag Tubungan sa Iloilo; Libertad, Antique; kag Pulupandan sa Negros Occidental.
Ginpahayag ni PDEA-6 director Wardly Getalla nga padayun ang pagtuon sang oversight committee sa resulta sang ginkasar nga ebalwasyom sa 48 ka mga barangay kag igadeklarar sang ahensya nga drug-cleared ang mga ini subong nga Pebrero.
Ang paghimakas sang PDEA-6 sa pagdeklarar sang mas madamo nga mga barangay bilang drug-cleared may kaangtanan sa target sang Department of Interior and Local Government 6 nga matinluan gikan sa ilegal nga droga ang katunga sang kabarangayan sa bug-os nga rehiyon antes magtakop ang 2018.
Samtang, ginpadayaw man ni Getalla nga umpisa nga nagpungko sia sa rehiyon 6 sadtong Agusto 2017 sa idalom sang administrasyon ni Presidente Rodrigo Duterte, nagnubo sang masobra 50 por ciento ang mga lugar nga apektado sang ilegal nga droga kasunod man sang pagnubo sang numero sang nagaduso kag nagabaligya sang ilegal nga droga.
Ginatudlo nga rason diri ni Getalla amo ang mas ginpasangkad nga pagpatuman sang PDEA kabuylog ang mga pulis sang kampanya kontra ilegal nga droga./PB
[/av_textblock]
[/av_one_full]