[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’6-ANYOS NGA BATA GINLUGOS SANG TATAY’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=”]
Saturday, March 18, 2017
[/av_textblock]
[av_textblock size=” font_color=” color=”]
Syudad sang ILOILO – Nagreklamo ang anum ka tuig nga grade 1 pupil nga ginhimuslan sia sang iya kaugalingon nga amay sa isa ka barangay sa Guimbal, Iloilo.
Sa interbyu sang Panay Balita kay SPO1 Jane Tacayon sang Women and Children’s Protection Desk-Guimbal PNP, gin-updan ang bata sang iya tiya sa pagreklamo sadtong Lunes.
Sunu sa tiya nga nakit-an niya ang “yellowish” nga mantsa sa panty sang iya hinablos sang ginpaligo-an niya ini sadtong Pebrero 26, 2017.
Sang ginpamangkot pa sang tiya ang hinablos kon ngaa ginadugo sia, naghilibion sa pagsugid ang bata nga ginhimuslan sia sang amay sang makatatlo ka beses.
Sandig pa sa imbestigasyon sang mga otoridad, ang una nga pagtandog sang amay natabo sadtong Enero kag ginsundan sang makaduha ka beses sang Pebrero sa balay mismo sang tiya sini.
Natukiban nga sa tiya naga-istar ang bata kag ginapa-eskwela niya ini. Tumandok ini sang norte nga bahin sang probinsya sang Iloilo pero sang Disyembre 2016, ginkuha ang bata sang iya amay nga utod man sang tiya para magbakasyon sa ila kag ginbalik gid lamang sang Enero 4, 2017 sa Guimbal. Pero wala dayon nagpauli ang amay, sa baylo nagtinir ini sang duha ka bulan sa balay sang iya utod kag diri nga likom nga ginhimuslan ang kaugalingon nga bata.
“Ginapaligoan sang tiya ya pero nakita nga may mantsa nga yellowish. Amo to ginpamangkot sang tiya ang hinablos kag nagpanugid nga ginmolestiyahan sang iya amay,” hambal ni Tacayon.
Base man sa panaysayon sang bata, ginapatunog sang iya amay ang radyo para indi mabatian ang iya pagsinggit sa tion nga himuslan sia. Ginapahog man sia sang amay nga patyon kaupod ang iya mga utod kon magpanugid.
“Ginapa-andar sang amay ang radyo para wala sang makabato kon mangsinggit sia tapos ginahambalan sia nga indi manugid kay patyon ang iya pamilya kag tiya,” dugang ni Tacayon.
Nadiskubrehan man nga hulid nga nagatulog ang mag-amay bangod nga may pamilya kag kabataan man ang iya tiya.
Kag napilitan lang sa pagsugid ang bata sang natabo sa iya sang nasiguro nga nakapauli na ang amay sa ila balay.
Para matul-id naman ang ginasugid sang bata, ginpa-idalom na ini sa medical examination.
Posible man nga mapasakaan sang kaso nga paghimulos sa masunod nga semana ang amay nga wala pa madakpan kon makagwa na ang resulta sang eksaminasyon./PB
[/av_textblock]
[/av_one_full]
