[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’TRAYSIKOL DRAYBER GINPATAY SANG MAG-UTOD’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Tuesday, May 16, 2017
[/av_textblock]
[av_textblock size=” font_color=” color=”]
Syudad sang BACOLOD – Patay ang traysikol drayber sang ginpulihan sang duha ka mag-utod sa Hacienda Rosario Sur, Relocation Site sa Barangay Granada diri mga alas-dos sang hapon sang Domingo.
Ginkilala ni Chief Inspector Sherlock Gabana, hepe sang Police Station 5, ang biktima nga si Julius Medel, 28, sang Purok Pinaya-on sang nasambit man nga barangay. Nakaagom ini sang madamo nga pilas sa lawas nga tuga sang pagtiro, pagbunu kag paglabu nga gintunaan sang iya kamatayon.
Tigayon naman nga nadakpan sang mga katapo sang Police Station 5 ang isa sa mga suspetsado nga si Ian Canoy, 32, sang Brgy. Granada. Narekober sa iya ang sulpak kag basiyo sang bala sang amo nga pusil.
Pero nakapalagyo naman ang utod ni I. Canoy nga si Robiner Canoy, 29, nga amo ang ginatudlo nagluthang sa biktima.
Sunu kay Gabana, ginsukmatan ni I. Canoy ang biktima bangod nabunggoan sini ang iya nga karabaw kag didto nag-umpisa ang lalisay sang magtimbang nga bahin.
Dugang pa sang hepe nga nag-abot ang utod ni Canoy nga may dala nga sulpak kag gulpi nga ginluthang ang biktima.
Sa subong, priso na ang suspek samtang padayun naman ang hot pursuit operation batok kay R. Canoy./PB
[/av_textblock]
[/av_one_full]
