[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’‘NAGMAOY’ SI MAYOR | Mayor sang Janiuay ginsapote matapos nagpinalupok sang pusil’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Monday, June 5, 2017
[/av_textblock]
[av_textblock size=” font_color=” color=”]
Syudad sang ILOILO – Ospital ang gintup-an sang alkalde sang banwa sang Janiuay, Iloilo matapos nga ginpulihan sapote sang mga tawo sa Villa Teresita Inland Resort sa Barangay Tubang, Maasin, Iloilo pasado alas-11 sang gab-i sang Sabado.
Mga pilas sa nawong kag iban pa nga bahin sang lawas ang naangkon ni Mayor Jojo De Paula y Lam, 50, kasado kag residente sang Brgy. Don Teborcio Lutero, Janiuay, nga ginabulong pa subong sa Iloilo Saint Paul’s Hospital.
Sa interbyu sang Panay Balita kay Senior Inspector Rey Cordero, hepe sang Maasin Municipal Police Station (MPS), nagpadulong ang alkalde kaupod ang ila mga basketball players sa inland resort ni Mayor Mariano Malones sang Maasin para magselebrar sang ila kadalag-an sang nagluntad ang pagbaisay sa tunga sini kag mga miembro sang lesbian, gay, bisexual, and transgender (LGBT) community nga yara man sa resort.
Gina-alegar nga nakainom ang alkalde sang makahulobog nga ilimnon sang nagpadulong sa lugar kon sa diin nagaprograma ang LGBT group. Bangod nga indi gusto sang grupo nga may iban nga tawo nga mag-upod sa ila, ginhambalan nila ang alkalde nga maghalin.
Diri naman nga nagluntad ang pagbaisay tubtob nga nagpakilala si De Paula nga alkalde. Natapna lang ang komosyon sang nagresponder ang mga barangay tanod.
“Under influenced si mayor sang intoxicating liquor. Naka-inom gid si mayor kag siempre may indi pag-intindihanay nga natabo nga nag-trigger sang indi maayo nga hitabo sa tunga sang duha ka grupo. According sa mga LGBT nagkadto si mayor sa vicinity sa ila activity, ti kay sa LGBT indi siguro gusto sila nga may outsider amo na pahalin nila sa mayor kay wala man nila nakilala si mayor,” eksplikar ni Cordero.
Makaligad ang pila ka minutos, nagdesisyon ang grupo sang alkalde nga magpauli na lang pero samtang nagasakay sa iya salakyan ang alkalde, ginapasuni nga gulpiyada lamang sia nga nagpinalupok sang iya 9mm nga pusil.
Ang resulta, aksidente nga naigu sa tiyan si Donald Robles, 20, kag residente sang Brgy. Naslo, Maasin, nga gindala sa Ramon Tabiana Memorial District Hospital.
Sadto nga tion nagatindog si Robles sa sulod sang resort sang nakabatyag sang paghapdi sa iya tiyan kag ulihi na lang nabal-an nga naigu na sia.
Kasunod sini, ginpulihan sapote sang mga tawo sa resort ang alkalde. Natapna lang ang pagsapote diri sang nag-inabot liwat ang mga tanod kag opisyales sang barangay.
Narekober naman sang kapulisan sa ginluntaran sang insidente ang isa ka basiyo sang 9mm caliber revolver.
Samtang handa naman nga magpasaka sang kaso ang pamilya ni Robles kontra sa alkalde./PB
[/av_textblock]
[/av_one_full]
