[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Babaye ginpa-oral sex sang pulis’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Wednesday, June 7, 2017
[/av_textblock]
[av_textblock size=” font_color=” color=”]
Syudad sang ILOILO – Nakakuha subong sang atensyon sang publiko ang reklamo sang balo nga babaye nga naga-alegar nga ginpa-oral sex sia sang isa ka pulis nga nadesignar sa Jaro Police Station sadtong Hunyo 2 sang gab-i.
Base sa alegasyon ni alyas Inday, 32, residente sang isa ka barangay sa Jaro, halos indi na sia makaginhawa sa ginpahimu sa iya ni Police Officer 1 (PO1) Mark Ken Canillo.
Kon basehan pa ang alegasyon sang tagreklamo, Hunyo 2 sang gab-i samtang nagalakat sia para magpadulong sa belasyonan, nasugata niya ang pulis kag gulpi lang sia ginhambalan nga magbalik sa ila balay kadungan sang pag-agbay sa iya.
Sang yara na sila sa ila balay, nakibot ang pamilya ni Inday nga ginhambalan sila sang pulis nga i-off ang ila mga cellphone bangod nga nagahimu ini sang operasyon.
Gina-alegar dugang sang tagreklamo nga ginsugo sia sang pulis nga magsaka sa ikaduha nga panalgan sang ila balay bangod posible may bilin pa nga shabu ang iya bana nga ginpatay kag gintapok lang sang isa ka van sa Brgy. Banuyao, La Paz sang nagligad nga binulan.
Pero nakibot ang tagreklamo nga gulpi ginsiradohan sang pulis ang puertahan kag ginbuksan ang zipper sini kadungan sang pagmando kay Inday nga himuon ang oral sex sa iya.
Nagpamalibad una ang tagreklamo pero ginpilit sia sang pulis kag gin-uyatan ang iya ulo para mapalapit sa kinatawo sini. Gin-alegar man sang tagreklamo nga halos masuka na sia sa ginapahimu sa iya sang pulis apang wala sia sang mahimu sa kahadlok nga may malain nga matabo sa iya pamilya.
Makaligad ang pila ka minutos, nagpanaog na ang pulis nga kaangay lang nga wala sang natabo kag ginhambalan pa ang iban nga mga himata ni Inday nga indi magpanugid kay i-subject sila sa buy-bust operation.
“Malakat ko daad sa namatyan kay mapulaw. Ako lang isa, may nasugata ko nga isa ka lalaki. Ang expect ko ya abi ko tupad-balay namon nga nagpuli bala sa ila. Hana na nga lapitanay, si Mark Ken gali ang nasugata ko kag indi ang neighbor ko. Gin-agbayan ya ako tapos ginpabalik di. Ti, amo na dayon nagkadto kami sa balay. Naghambal dayon sia nga i-off ang cellphone. Amo to nakulbaan na sanday nanay. Nagsaka dayon kami sa babaw. Una gin-lock ya ang puerta tapos kuha ang iya armas tapos gin-ano ya zipper, tapos ginpa-ano ya sa akon ang iya,” alegasyon sang tagreklamo sa interbyu sang Bombo Radyo Iloilo.
Ginklaro man sang tagreklamo nga oral sex gid lamang ang natabo nga naglawig sang pila ka minutos.
PO1 CANILLO GIN-RELIEVE
Samtang ginasulat ining balita, wala pa makapagwa sang opisyal nga pahayag si Canillo.
Pero kahapon ginmando na ni Senior Supt. Remus Zacharias Canieso, director sang Iloilo City Police Office, ang pag-relieve sa nasambit nga pulis gikan sa Jaro Police Station kag ginsaylo ini sa Public Safety Company subongman gindis-armahan ini.
Angut man sang natabo, ang National Police Commission nagpasalig nga imbestigaran ang alegasyon sang tagreklamo.
Sunu kay Inspector IV Napoleon Arostique, matukod sila sang investigation team para magtutok sa imbestigasyon angut sa gina-alegar sang tagreklamo./PB
[/av_textblock]
[/av_one_full]
