[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Ilonggo nga soldado napatay sa Marawi’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Monday, June 12, 2017
[/av_textblock]
[av_textblock size=” font_color=” color=”]
Syudad sang ILOILO – Nadugangan na naman ang numero sang mga soldado nga Ilonggo nga napatay bangod sang padayun nga giyera sa tunga sang tropa sang gobyerno kag Maute group sa Syudad sang Marawi.
Ang pinaka-ulihi diri amo si Sergeant Simeon Ilisan Plares, 33, kag tumandok sang Brgy. Ubang, Pototan nga katapo sang Philippine Marines.
Si Plares ang isa sa 13 ka mga marines nga napatay sadtong Biyernes sang nagluntad ang panibag-o nga giyera sa tunga sang mga soldado kag grupo sang Maute.
Gina-alegar nga luyag kontani sang tropa sang gobyerno nga luwason ang mga sibilyan nga na-trap sa Marawi pero gulpiyada lamang sila nga gin-giyera sang mga terorista.
Luwas sa 13 ka mga napatay, masobra man 50 ka mga soldado ang nasamaran sa nagluntad nga giyera kon sa diin isa pa gid diri ang Ilonggo nga si Sergeant Joe Lebuna sang Barangay Bagongbong, Lambunao nga miembro sang Marine Battalion Landing Team 7.
Matandaan nga una na nga napatay si Private First Class Anthony Capulot, 25, residente sang Brgy. Ayabang, Leon kag nadesignar sa 15th Infantry Battalion sang Philippine Army nga si Plares, patay man ang soldado nga tumandok sang banwa sang Leon matapos nga nahulogan sang bomba sang naglunsar sang air strike ang gobyerno kontra sa mga miembro sang Maute./PB
[/av_textblock]
[/av_one_full]
