[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Branch coordinator sang coop ginhold-ap ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Nakuhaan sang kapin sa P143,147 nga kwarta ang branch coordinator sang Human Resources Multi-Purpose Cooperative sang ginhold-ap sang duha ka nagasakay sa motorsiklo sa Narra Extension sakop sang Brgy. Villamonte diri mga alas-4:45 ang takna sang Huwebes sang hapon.
Ginkilala ni Senior Inspector Elmer Bonilla, hepe sang Police Station 4, ang biktima nga si Rolindo De La Torre Salme, 37, soltero kag naga-istar sa Hervias II Subdivision sakop Brgy. Villamonte.
Sunu naman sa biktima, nagasakay sia sa traysikad sang gintambingan sia sang duha ka lalaki nga naga-motor sang mag-untat ang traffic light kag nanaog ang isa diri kag gin-agaw ang iya nga bag nga naga-unod sang kwarta nga inug-panuweldo.
Ginapahayag nga nagbatu ang biktima pero gintayaan sia sang pusil sang isa sa mga hold-aper.
Gindugang pa ni Salme nga gilayon nagbalik ang hold-aper sa ila motor nga nakita niya nga may plate number sa karton nga 1601 kag nagdalagan padulong sa direksyon sang homesite.
Nahibaluan pa nga nadala sa bag sang biktima ang iya resibo sa ginprenda niya nga alahas, voter’s identification card kag pila pa ka importante nga mga dokumento.
Samtang ginasulat ini nga balita, padayun pa ang imbestigasyon sang Police Station 4 sa natabo./PB
[/av_textblock]
[/av_one_full]
