[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Mga pulis sa ICPO gin-drug test ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Ginpa-idalom sa random drug testing ang 122 ka mga pulis sang Iloilo City Police Office (ICPO) kahapon sang aga.
Tinutuyo sining tikang ni Senior Supt. Remus Zacharias Canieso, director sang ICPO, nga masiguro nga wala sang pulis nga naga-gamit sang ilegal nga droga kag matib-ong ang “drug-free workplace.”
Luyag sang ICPO nga ma-mentinar ang internal cleansing program sa ila organisasyon samtang padayun ang kampanya kontra sa ilegal nga droga sa syudad.
Ang random drug test nagasakop sa tanan nga mga presinto lakip na sa mga pulis nga na-designar sa Station Anti Drug Enforcement Team kag sa intelligence unit.
Una nga ginpahibalo ni Canieso ang mga pulis sa kada presinto nga may pagsinapol sa ICPO apang nakibot lang ang mga ini nga ginpa-idalom sila sa drug test.
Ginpangunahan naman sang Regional Crime Laboratory Office 6 ang random drug test sa 122 ka mga pulis lakip na si Canieso.
Target lang sang ICPO nga makalab-ot sa 120 ka mga pulis nga mapa-idalom sa drug test paagi sa pagkuha sang urine sample pero nalapawan pa nila ini sang duha./PB
[/av_textblock]
[/av_one_full]
