[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
NI JOEL FRANCO
[/av_heading]
[av_textblock size=” font_color=” color=”]
Tuesday, august 1, 2017
[/av_textblock]
[av_textblock size=” font_color=” color=”]
Nakasaho na sa kaimulon
SA PUNGSOD nga pigado, ang pumuluyo uhaw sa serbisyo sang gobyerno. Trabaho, pagkaon, pabalay, ikaayong lawas, edukasyoon kag iban, ginasinggitan sang masa…sa diin na?
Ini ang mga duna nga kinahanglanon sang tanan agud mabuhi kag may kahigayunan nga mapasanyog ang estado sang pangabuhi. Pero sa imol nga pungsod, ini halos mabatyagan sang publiko.
Ang Pilipinas may listahan sang mga tuman ka pigado nga pamilya. Sila ang mga bahin sang populasyon nga nagakinahanglan buligan sang atun gobyero. Ang mga ginabulig sa ila gikan sa kaban sang gobyerno. Ngaa bala may imol” Paano nakatipon sang manggad ang mga manggaranon?
Siling sang mga expert ini normal lamang sa sosyudad nga may imol kag manggaranon agud mangin balance ang kabuhi. Sin-o ang magatrabaho para mapakaon ang mga manggaranon kun wala sang imol nga nagapatulo sang balhas? Kun ini ang pagpati sang iban, mabaton naton ina. Ugaling ang realidad sang sitwasyon amo nga ang mga manggaranon nagahingalit sa mga imol. Ang mga imol amo ang nagabatas sa kabudlay sang kabuhi agud mapadamo ang manggad sang mga manggaranon.
Ngaa bala ang sosyudad napun-an sang mga imol apang ngaa bala wala sila sang tingog? Bisan pa nga kadam-an sang mga Pilipino imol ngaa mas may tingog pa ang mga manggaranon?
Maathag man abi nga may mga imol nga daw nakuntento na sila sa ila kabuhi. Kaangay bala nga wala na sila sang handum nga mag-ayuhan sa ulihi.
Madamo man kuntani sang mga proyekto ang gobyerno nga gindihon agud mapauswag ang kabuhi sang mga imol. Ginahanas sila kun paano magpatikang sang negosyo, magpamuno sang kooperatiba ukon bisan simple nga paghanda sang pagkaon kag pagsagod sang hayop. Ang nagakatabu, mabakas lang sa una nga hugada, sa ulihi matak-an na gani, indi na mabalik ang ginalauman sa ila sang gobyerno. Ginadula nila ang ginahatag nga kahigayunan sa ila sang gobyerno agud makatibawas sa kapigaduhon.
Madamo man sang matahum nga estorya sang kadalag-an sang mga nabuligan sang gobyerno. Dalayawon ang ila kadalag-an. Apang sa ila kadalag-an, pila ayhan ang nagpatumbaya sa kahigayunan nga ginhatag sa ila?
Halimbawa sa Pantawid Pamilyang Pilipino Program (4Ps), madelay lang gani ang ila cash grants grabe na ang ila nga ngawngaw. Kaangay bala nga mapatay sila kun indi nila mabaton ang ila cash grants. Pero ngaa may iban man nga nagahipos lang kag padayun nga ginapangitaan sang pamaagi kun paano mabag-o ang direksyon sang ila kabuhi? Ang iban nakasaho na nga mangin imol kay madamo sang mga bulig nga ginahatag sa ila ang gobyerno. Gani sa baylo nga magbakas, nangin matamad na kag gusto na lang magpasagod.
Ngaa bala isalig naton ang kabuhi ta sa gobyerno? Ngaa mamasol kita sa gobyerno kun pigado kita kag pulo ka bilog ang kabataan ta pero indi man kita gusto sang family planning?
Tiko ang aton panan-awan sa kabuhi amo na nga mahinay man ang atun katibawasan. (jfranco1975@yahoo.com/PN)
[/av_textblock]
[/av_one_full]
